2020 йил 31 январь куни Деҳқонобод Калий заводида ишчилар ва аҳоли вакиллари билан учрашган Олий Мажлис Қонунчилик палатаси депутати Актам Ҳаитов, сайловдан сўнг халқ билан биринчи маротаба учрашаётганини тан олди. Бу ҳақда заводдаги учрашувда депутатнинг ўзи маълум қилди, — дея хабар беради «Дарё» мухбири.
Олий Мажлис депутатининг завод ишчилари билан учрашувида иштирок этган «Дарё» мухбири Актам Ҳаитовнинг сайловдан сўнг, халқ билан неча маротаба мулоқот қилгани билан қизиқди.
Саволга жавоб берган депутат Актам Ҳаитов сайловдан сўнг, ишлари кўпайгани боис мазкур учрашув сайловчилари билан дастлабкиси эканлигини тан олди.
Эслатиб ўтамиз, ЎзЛиДеП Марказий кенгаши раҳбари Актам Ҳаитов Олий Мажлис Қонунчилик палатаси депутатлигига деҳқонободлик сайловчиларнинг овози эвазига эришган.