Тошкент метрополитени «Юнусобод» йўлининг давомини қуриш вақтида, 18 декабрь куни юз берган тупроқ кўчиши оқибатида олти ишчи ҳалок бўлган эди. Ҳодиса юз берган куниёқ унинг сабабларини ўрганиш, оқибатларини бартараф этиш ҳамда келгусида шу каби ҳолатларнинг олдини олиш бўйича ҳукумат комиссияси тузилган эди.
Фожиадан кейинги салкам бир ярим ойлик давр мобайнида ҳукумат комиссияси фаолияти ҳақида бирор ахборот берилгани йўқ, шунингдек, комиссия хулосаси, фожиа сабаблари ва айбдорлари ҳам эълон қилинганича йўқ.
Ваҳоланки, Ўзбекистондаги амалдаги тартибга кўра, 5 ва ундан зиёд кишининг ўлимига сабаб бўлган бахтсиз ҳодисалар ҳукумат комиссияси томонидан текширилиши ва комиссия 15 кун ичида бахтсиз ҳодиса юзасидан махсус текшириш далолатномасини тузиши лозим.
Мавзуга доир: Бош прокуратура Юнусобод метроси қурилишидаги фожиа юзасидан жиноят иши очди. Айбдорлар кўпи билан 5 йилгача қамалиши мумкин
«Барча ташкилотларнинг хулосалари умумлаштирилган ҳолда прокуратурага тақдим этилган... Узоғи билан икки-уч кунда комиссия хулосаси эълон қилинади ва ОАВ орқали жамоатчиликка маълумот берилади», — дея Одинаевнинг сўзларидан иқтибос келтирмоқда «Kun.uz».
Изоҳ (0)