Ўзбекистон фуқароларига Хитойга хизмат, туристик ва бошқа мақсадларда ташриф буюришдан тийилиб туришлари қатъий тавсия этилади, дейилади Ўзбекистон Ташқи ишлар вазирлиги хабарида.
Вазирликнинг қайд этишича, Хитой ҳукумати кўраётган қатъий чораларга қарамай, коронавируснинг янги шакли (2019-nCoV) тарқалиши билан боғлиқ вазият мураккаблигича қолмоқда.
29 январь ҳолатига кўра, вирусни юқтирганлар сони 6 мингдан кўпроқни ташкил қилиб, касалликдан вафот этганлар сони 130 нафардан ошди. Касалга чалинганлар бошқа қатор давлатларда ҳам аниқланган.
Таъкидланишича, Ўзбекистоннинг Хитойдаги элчихонаси ва бош консулхонаси Ухань ва карантин жорий қилинган бошқа шаҳарлардаги ватандошлар билан доимий алоқада бўлиб турибди ҳамда марказий ва маҳаллий ҳукумат идоралари билан биргаликда юзага келаётган муаммолар, шу қаторда маиший масалаларни тезкорлик билан ҳал қилмоқда.
Январь ойида Ухандан Ўзбекистонга қайтиб келган талабалар зудлик билан Соғлиқни сақлаш вазирлиги ҳузуридаги Санитария-эпидемиологик осойишталик агентлигига +998-90-9882330 (директор ўринбосари Б.Қурбонов), +998-97-2755074 (бош мутахассис Ф.Қурбонбеков) телефон рақамлари орқали боғланишлари зарур.
ТИВ Хитойдаги ўзбекистонликларга зарур ҳолатларда исталган вақтда Пекиндаги элчихонага +86 135 1102-4242 (Бобур Яҳёев), +86 139 1175-4476 (Шуҳрат Умиров) телефон рақамлари орқали ҳамда Шанхайдаги бош консулхонага +86 131 2255-5772 (Азиз Улуғбеков) телефон рақами орқали мурожаат қилишлари мумкинлигини эслатган.
Аввалроқ Ўзбекистон соғлиқни сақлаш вазири ўзбекистонликлар зарурат бўлмаган тақдирда Хитойга ва бошқа давлатларга бормасликни тавсия қилган эди.
Изоҳ (0)