Олий Мажлис Қонунчилик палатаси 22 январь куни бўлиб ўтган мажлисда Вазирлар Маҳкамаси аъзолигига номзодларни кўриб чиқди ва маъқуллади. Номзодлар рўйхати парламент томонидан 21 январь куни бош вазир лавозимига тасдиқланган Абдулла Арипов томонидан тақдим этилган эди.

Фото: Мадина Нурман / «Дарё»

Номзодлар дастлаб парламент қуйи палатасининг масъул қўмиталарида, шундан сўнг бешта сиёсий партияларнинг фракциялари томонидан кўриб чиқилган. Мажлисда ҳар бир номзод ҳаракат дастурини тақдим этган. Шундан сўнг савол-жавоблар бўлиб ўтган.

Вазирлар Маҳкамасининг аъзолари Президент томонидан тасдиқлангач, ўз вазифаларини бажаришга киришади, дея қайд этмоқда «Gazeta.uz».

Вазирлар Маҳкамаси аъзолари

Фото: Мадина Нурман / «Дарё»

Бош вазирнинг биринчи ўринбосари — Очилбой Жуманиёзович Раматов (1962 йилда туғилган, 2019 йил февралидан бери бош вазир биринчи ўринбосари — транспорт вазири лавозимида ишлаб келаётган эди).

Фото: Мадина Нурман / «Дарё»

Бош вазир ўринбосари — молия вазири — Жамшид Анварович Қўчқоров (1964 йилда туғилган, 2019 йил февралидан бери бош вазир ўринбосари — молия вазири сифатида ишлаб келаётган эди).

Фото: Мадина Нурман / «Дарё»

Бош вазир ўринбосари — Туризмни ривожлантириш давлат қўмитаси раиси — Азиз Абдуқаҳҳорович Абдуҳакимов (1974 йилда туғилган, 2019 йил февралидан бош вазирнинг ижтимоий ривожланиш масалалари бўйича ўринбосари эди).

Фото: Мадина Нурман / «Дарё»

Бош вазир ўринбосари — Ўзбекистон хотин-қизлар қўмитаси раиси — Элмира Эркиновна Боситхонова (1958 йилда туғилган, 2019 йил июнидан бери бош вазир ўринбосари — Ўзбекистон хотин-қизлар қўмитаси раиси лавозимида ишлаб келаётган эди).

Вазирлар

Фото: Мадина Нурман / «Дарё»

Транспорт вазири — Элёр Мажидович Ғаниев (1960 йилда туғилган, 2019 йил январидан бери бош вазирнинг инвестициялар ва ташқи иқтисодий алоқалар бўйича ўринбосари сифатида ишлаб келаётган эди).

Фото: Мадина Нурман / «Дарё»

Қурилиш вазири — Ботир Эркинович Зокиров (1963 йилда туғилган, 2019 йил сентябридан бери қурилиш вазири).

Уй-жой коммунал хизмат кўрсатиш вазири — Музаффар Холдорбоевич Солиев (1975 йилда туғилган, 2017 йил июлидан бери уй-жой коммунал хизмат кўрсатиш вазири).

Фото: Мадина Нурман / «Дарё»

Иқтисодиёт ва саноат вазири — Ботир Асадиллаевич Хўжаев (1956 йилда туғилган, 2019 йил январидан бери иқтисодиёт ва саноат вазири, вазирлик номи ўзгаргунча — 2017 йилдан иқтисодиёт вазири эди).

Фото: Мадина Нурман / «Дарё»

Бандлик ва меҳнат муносабатлари вазири — Нозим Бахтиёрович Ҳусанов (1976 йилда туғилган, 2019 йил сентябридан бери бандлик ва меҳнат муносабатлари вазири).

Фото: Мадина Нурман / «Дарё»

Инвестициялар ва ташқи савдо вазири — Сардор Ўктамович Умурзоқов (1977 йилда туғилган, 2019 йил январидан бери инвестицилар ва ташқи савдо вазири).

Энергетика вазири — Алишер Саидаббосович Султонов (1967 йилда туғилган, 2019 йил февралидан бери энергетика вазири, ўшандаёқ унга ёқилғи-энергетика ва саноатнинг асосий тармоқлари масалалари бўйича бош вазир маслаҳатчиси вазифаси юклатилган эди).

Фото: Мадина Нурман / «Дарё»

Қишлоқ хўжалиги вазири — Жамшид Абдуҳакимович Хўжаев (1979 йилда туғилган, 2019 йил январидан бери қишлоқ хўжалиги вазири).

Сув хўжалиги вазири — Шавкат Раҳимович Ҳамроев (1964 йилда туғилган, 2018 йил февралидан бери сув хўжалиги вазири).

Фото: Мадина Нурман / «Дарё»

Адлия вазири — Русланбек Қуролтоевич Давлетов (1980 йилда туғилган, 2017 йил августидан бери адлия вазири).

Олий ва ўрта махсус таълим вазири — Ином Уришевич Мажидов (1963 йилда туғилган, 2017 йил июнидан бери олий ва ўрта махсус таълим вазири).

Фото: Мадина Нурман / «Дарё»

Халқ таълими вазири — Шерзод Ҳотамович Шерматов (1977 йилда туғилган, 2018 йил июнидан бери халқ таълими вазири).

Фото: Мадина Нурман / «Дарё»

Мактабгача таълим вазири — Агриппина Василевна Шин (1958 йилда туғилган, 2017 йил октябридан бери мактабгача таълим вазири).

Фото: Мадина Нурман / «Дарё»

Соғлиқни сақлаш вазири — Алишер Қаюмович Шодмонов (1962 йилда туғилган, 2017 йил февралидан бери соғлиқни сақлаш вазири).

Жисмоний тарбия ва спорт вазири — Дилмурод Ҳамидуллаевич Набиев (1978 йилда туғилган, 2018 йил июлидан бери жисмоний тарбия ва спорт вазири).

Фото: Мадина Нурман / «Дарё»

Инновацион ривожланиш вазири — Иброҳим Йўлчиевич Абдураҳмонов (1975 йилда туғилган, 2017 йил ноябридан бери инновацион ривожланиш вазири).

Фото: Мадина Нурман / «Дарё»

Ахборот технологиялари ва коммуникацияларини ривожлантириш вазири — Шуҳрат Муҳаммаджонович Содиқов (1969 йилда туғилган, 2018 йил августидан бери ахборот технологиялари ва коммуникацияларини ривожлантириш вазири).

Маданият вазири — Озодбек Аҳмадович Назарбекович (1974 йилда туғилган, 2017 йил августидан бери маданият вазирининг биринчи ўринбосари эди).

Мудофаа вазири — Баҳодир Низомович Қурбонов (1969 йилда туғилган, 2019 йил февралидан бери мудофаа вазири).

Ички ишлар вазири — Пўлат Раззоқович Бобожонов (1961 йилда туғилган, 2017 йил сентябридан бери ички ишлар вазири).

Турсинхон Худойбергенов (ўнгда).

Фото: Мадина Нурман / «Дарё»

Фавқулодда вазиятлар вазири — Турсинхон Айдарович Худойбергенов (1951 йилда туғилган, 2016 йил декабридан бери Президент маслаҳатчиси. 2018 йил апрелида унга фавқулодда вазиятлар вазирининг мажбуриятлари юклатилган).

Фото: Мадина Нурман / «Дарё»

Ташқи ишлар вазири — Абдулазиз Ҳафизович Комилов (1947 йилда туғилган, 2012 йил январидан бери ташқи ишлар вазири).

Давлат қўмиталари раислари

Фото: Мадина Нурман / «Дарё»

Экология ва атроф-муҳитни муҳофаза қилиш давлат қўмитаси раиси — Баҳром Тўлқинович Қўчқоров (1972 йилда туғилган, 2017 йилдан бери Экология ва атроф-муҳитни муҳофаза қилиш давлат қўмитаси раиси).

Мудофаа саноати давлат қўмитаси раиси — Ойбек Ортиқович Исмоилов (1976 йилда туғилган, 2018 йил ноябридан бери мудофаа вазирининг қуролланиш ва таъминот бўйича ўринбосари эди).

Давлат статистика қўмитаси раиси — Баҳодир Абдусаломович Бегалов (1968 йилда туғилган, 2017 йил майидан бери Давлат статистика қўмитаси раиси).

Фото: Мадина Нурман / «Дарё»

Давлат солиқ қўмитаси раиси — Беҳзод Анварович Мусаев (1973 йилда туғилган, 2018 йил декабридан бери Давлат солиқ қўмитаси раиси).

Давлат геология ва минерал ресурслар қўмитаси раиси — Бобир Фарҳодович Исломов (1984 йилда туғилган, 2017 йил июлидан бери Давлат геология ва минерал ресурслар қўмитаси раиси).

Давлат божхона қўмитаси раиси — Муротжон Бердиалиевич Азимов (1976 йилда туғилган, 2018 йил февралидан Давлат божхона қўмитаси раиси).

Ер ресурслари, геодезия, картография ва давлат кадастри давлат қўмитаси раиси — Абдушукур Ҳамидович Абдуллаев (1959 йилда туғилган, 2017 йил мартидан бери Ер ресурслари, геодезия, картография ва давлат кадастри давлат қўмитаси раиси).

Ўрмон хўжалиги давлат қўмитаси раиси — Низомиддин Жалилович Бакиров (1968 йилда туғилган, 2017 йил майидан бери Ўрмон хўжалиги давлат қўмитаси раиси).

Ветеринария ва чорвачиликни ривожлантириш давлат қўмитаси раиси — Баҳромжон Тўраев Норқобилов (1973 йилда туғилган, 2019 йил мартидан бери Ветеринария ва чорвачиликни ривожлантириш давлат қўмитаси раиси).

Саноат хавфсизлиги давлат қўмитаси раиси — Бахтиёр Ваҳобович Ғуломов (1966 йилда туғилган, 2019 йил февралидан бери Саноат хавфсизлиги давлат қўмитаси раиси биринчи ўринбосари ва қўмита раиси вазифасини бажарувчи эди).