Фарғонада Nexia ҳайдовчиси маст пиёдани уриб юборди. Жабрланувчи воқеа жойида ҳалок бўлди

Фарғона шаҳрида инсон ўлими билан якунланган ЙТҲ юз берди, деб хабар берди Ички ишлар вазирлиги Йўл ҳаракати хавфсизлиги бош бошқармаси матбуот хизмати.

Қайд этилишича, йўл-транспорт ҳодисаси 6 январь куни соат 20:30 ларда Фарғона шаҳрида содир бўлган.

Дастлабки маълумотларга кўра йўл-транспорт ҳодисасини ҳайдовчи Ёзёвон туманида яшовчи, 1962 йилда туғилган М.А. турмуш ўртоғига тегишли Nexia автомобилини бошқараётиб, йўлнинг белгиланмаган жойидан маст ҳолда кесиб ўтаётган пиёда — Фарғона шаҳарида яшовчи, 1992 йилда туғилган Ч.И.ни уриб юборган.

Ҳодиса оқибатида пиёда Ч.И тан жароҳати олиб, воқеа жойида вафот этган.