Эрон Исломий инқилоб муҳофизлари корпуси томонидан АҚШнинг Ироқдаги ҳарбий базаларига ҳужуми акс этган дастлабки лавҳалар пайдо бўлди. «РБК»нинг хабар беришича, видео IRIB News Agency томонидан эълон қилинди.
Видеода тунги осмонда оловли снарядлар учиб кетаётганини кўриш мумкин. Press TV ҳам Twitter’даги саҳифасида шунга ўхшаш видео жойлаган бўлиб, «Генерал Сулаймонийнинг ўлдирилишига жавобан Ал-Асад авиабазасига қаратилган биринчи ракеталар» дея изоҳ қолдирилган.
🔴 🇮🇷 JUST IN 🇮🇷 🔴
— Press TV 🔻 (@PressTV) January 7, 2020
PRESS TV EXCLUSIVE
First #IRGC footage emerges showing #Iran missiles targeting #AinAlAssad airbase in #Iraq in response to General #Soleimani's assassination.#GeneralSoleimani #DecisiveResponse #SoleimaniAssassination pic.twitter.com/vpXA0HvLXG
Эрон Исломий инқилоб муҳофизлари корпуси АҚШнинг Ироқдаги иккита ҳарбий базаларига 10 дан ортиқ баллистик ракета учирган. Айни пайтда Вашингтон ҳужум оқибатида етказилган зарарни ҳисобламоқда. CNN манбасининг айтишича, Айн ал-Асад базаси ўққа тутилганидан кейин жабрланганлар орасида ироқликлар бор.
Эрон АҚШ ҳарбий базаларига уюштирилган ҳужумни «муносиб жавоб» ва «ўз-ўзини мудофаа қилиш» деб атаган эди.
Пентагон вакили Жонатан Хоффманнинг айтишича, Асад ва Арбилдаги ҳарбий базаларга ўнлаб ракеталар учирилганига эронлик генерал Қосим Сулаймонийнинг АҚШ томонидан ўлдирилгани сабаб бўлган.
Бўлиб ўтган воқеалардан сўнг АҚШ Федерал авиация администрацияси (ФАА) ҳарбий бўлмаган самолётларнинг Ироқ, Эрон, Форс ва Уммон кўрфази сувлари устидан парвозларни амалга оширишни тақиқлаб қўйди.
Аввалроқ Эронда Украинанинг Boeing самолёти қулагани хабар берилган эди. ОАВда пайдо бўлган илк маълумотларда самолёт бортида 180 нафар йўловчи ва экипаж аъзолари бўлгани айтилган эди. Кейинроқ аэропорт вакили «РИА Новости» агентлигига самолётда 167 нафар йўловчи бўлганини маълум қилган. Эроннинг Tasnim агентлиги Украинага тегишли Boeing 737 самолётининг Теҳронда фалокатга учраган жойидан суратларни эълон қилди.
Изоҳ (0)