Эронда 8 январь куни «Украина халқаро авиалиниялари» (МАУ)нинг Boeing 737 самолёти ҳалокатга учради. Самолёт бортида, турли манбалар маълумотларига кўра, 167 нафардан 180 нафаргача одам бўлган. Уларнинг бари ҳалок бўлган. Эрон ОАВлари самолёт ҳалокатига «техник муаммолар» сабаб бўлгани ҳақида ёзмоқда.
Айни вақтда Иорданиянинг Al-Hadath нашри лайнер тасодифан ракета билан уриб туширилган бўлиши мумкинлиги ҳақида ёзди: самолёт қулаган тунда Эрон АҚШнинг Ироқдаги иккита ҳарбий базасига ракета зарбалари берган эди. Бу 3 январь куни Бағдод яқинида эронлик генерал Қосим Сулаймонийнинг АҚШ президенти Дональд Трамп буйруғига кўра ўлдирилишига жавобан амалга оширилган.
Изоҳ (0)