19 декабрь куни Ўзбекистон Электрон оммавий ахборот воситалари миллий ассоциацияси залида «Янги Ўзбекистон — янги сайловлар» шиори остида ўтказилаётган баҳс-мунозараларнинг навбатдаги мажлиси ўтказилди, деб ёзади «Xabar.uz»
«Ўзбекистонда кенг кўламли ўзгаришлар шароитида фуқаролик жамиятини ривожлантириш» мавзусида ўтаётган анжуманда АОКА директори Комил Алламжонов Ўзбекистонда сўз эркинлиги вақтинчалик дея айтилаётган фикрларга ўз муносабатини билдирди:
«Бизда энди орқага йўл йўқ. Сўз эркинлиги даври тез тугайди, ОАВ, ижтимоий тармоқлар ёпилади дейиш ноўрин. Йўқ, биз орқага қайтмаймиз. Интернет ривожланиб бораётган даврда бошқа йўлимиз ҳам йўқ. Ўзбекистонда сўз эркинлигини мустаҳкам ўрнатиш давом этилади. Ўзбекистон қайта ёпилмайди. Бизнинг агентлигимиз бор экан, бунга йўл қўймаймиз», — дея таъкидлади Комил Алламжонов.
Изоҳ (0)