«Дарё» интернет нашрида «Қашқадарёда ҳокимлик электр энергиясидан ноқонуний фойдаланиб, давлатга 55,8 млн сўм зарар етказди» сарлавҳали хабар эълон қилинганди. Мазкур мақолага Ғузор туман ҳокимлиги муносабат билдириб, электр энергиясидан қарздорлик ҳокимлик зиммасида эмас, ҳокимликка қарашли бинода фаолият кўрсатаётган ташкилотлар бўйнида эканлигини таъкидламоқда.
Ғузор туман ҳокимлиги маъмурий биноси туманнинг Мустақиллик кўчаси 14-уйда жойлашган бўлиб, бинода туман Электр тармоқлари корхонаси томонидан замонавий ДЦ-541 (СЕ-303 энергомер) электр ҳисоблагич ускунаси ўрнатилган. Ҳокимлик томонидан жорий йилнинг ўтган даври мобайнида электр энергияси учун жами 16 млн сўм маблағ тўлаб берилган бўлиб, бугунги кунда истеъмол қилинган электр энергияси учун қарздорлик мавжуд эмаслиги аниқланди.Таъкидлаш керакки, хабарда назарда тутилган маъмурий бино тумандаги «Ўзбекистон» кўчаси 68-уйда жойлашган.Мазкур 2 қаватли бино туман ҳокимлигига қарашли бўлса-да, унда туман Молия бўлими ва жами 5 та идора ва ташкилотлар фаолият кўрсатиб келмоқда. Мазкур бинода ДЦ-541 русумли завод рақами №543724 рақамли электр ҳисоблагич ускунаси ўрнатилган ва туман Электр таъминоти корхонаси томонидан тегишли тартибда рўйхатдан ўтказилган.Ўтказилган хатловда электр ҳисоблагич ускунасида тўланмасдан қолган 124.214 кВт/соат, яъни 55,8 млн сўм қарздорлик мавжудлиги аниқланган.Бугунги кунда мазкур бино электр таъминоти тармоғидан тўлиқ узилган ва истеъмол қилинган қарздорликни қисқа муддатда бартараф этиш чоралари белгилаб олинди.Шуни ҳам қайд этиш керакки, «Ўзэнергоинспекция» корхонаси ҳудудий бўлими томонидан 2019 йил 1 ноябрда расмийлаштирилган баённомада тармоққа уланиш қонунда белгиланган тартибда амалга оширилганлиги, бироқ истеъмол қилинган мазкур қарздорлик ПК «Электрҳисоб» дастурига киритилмасдан қолганлиги назарда тутилганлигини маълум қиламиз.Ғузор туман ҳокимлиги ахборот хизмати
Изоҳ (0)