Бугун,

  • USD 10940.05
  • RUB 182.26
  • EUR 11121.65

АҚШда Оқ уй бошқаруви раҳбарининг ўринбосари Дэниел Уолш эгаллаб турган лавозимидан истеъфо берди. Бу ҳақда The Washington Post хабар тарқатган.

Фото: Washington Times

Фото: Washington Times

«Ден Уолш — фантастик жамоанинг аъзоси, у Оқ уй ва менинг администрациямга юксак профессионализми ва ҳалоллиги билан яхши хизмат қилган», — дейилади АҚШ президенти Дональд Трампнинг газетадаги баёнотида.

Нашр берган маълумотга кўра, Уолш президентнинг ёрдамчиларига ҳукумат ресурсларининг тарқатилиши, администрация ходимларининг хорижга сафарлари ва Оқ уйдаги ҳарбий офис ишларига жавобгар бўлган.

Шунингдек, амалдорнинг «катта еттилик» саммитининг Майамидаги Trump National Doral курортида ўтказилиши бўйича ташкилий ишларга ҳам масъул бўлган, бироқ ушбу тадбир ташаббуснинг Вашингтон томонидан кескин танқидига сабаб бўлган.

Уолш федерал ҳукуматда 28 йил меҳнат қилган, у истеъфодан кейин хусусий секторда ишлашни кўзламоқда. Газетанинг ёзишича, Трамп президентликка сайланиб, лавозимга ўтиргач, Уолшни ҳар доим обрўли Овал кабинетида қабул қилган.

Оқ уйда истеъфога кетган Уолш ўрнини қайси номзод эгаллаши аллақачон маълум бўлган, аммо АҚШ нашри ушбу амалдорнинг кимлигини аниқлай олмаган.

24 ноябрь, якшанба куни АҚШ мудофаа вазири Марк Эспер мамлакат ҳарбий денгиз кучлари раҳбари Ричард Спенсернинг истеъфога чиқарилишини сўраган, кейинчалик президент Дональд Трамп Спенсер ўрнини Норвегия элчиси Кеннет Брэйтуэйтни ушбу лавозимга тайинлаганди.

Изоҳ
Асосий янгиликлар