Футбол бўйича Германия Бундеслигасининг 12-турига 22 ноябрь, жума куни старт берилди.
Турнинг дастлабки ўйинида Люсьен Фавр қўл остидаги Дортмунднинг «Боруссия» жамоаси «Сигнал Идуна Парк»да «Падерборн»ни қабул қилди.
Учрашув давомида меҳмон жамоа вакиллари Стрели Мамба (5, 37) ҳамда Геррит Хольтманн (43) томонидан урилган голларга «арилар» Жейдон Санчо (47), Аксель Витсель (84) ва Марко Ройс (90)нинг голлари билан жавоб қайтарди.
Шу тариқа Дортмунд клуби ўз майдонида кечган баҳсда «Падерборн» билан 3:3 ҳисобида дуранг ўйнади ва томонлар бир очкодан бўлишиб олди.
Маълумот учун, «Боруссия Дортмунд» 20 очко жамғарган ҳолда мусобақа жадвалида 5-ўринда бормоқда. «Падерборн» эса 5 очко билан сўнгги ўринни эгаллаб турибди.
Бундеслига
12-тур баҳси
22 ноябрь, жума
«Боруссия Д»—«Падерборн» 3:3
Голлар: 0:1 – 5 Мамба, 0:2 – 37 Мамба, 0:3 – 43 Хольтманн, 1:3 – 47 Санчо, 2:3 – 84 Витцель, 3:3 – 90 Ройс.«Боруссия Д»: Бюрки, Шульц (Ҳакими, 46), Ҳуммелс, Пишчек, Геррейру, Дауд (Азар, 46), Вайгль, Витцель, Санчо, Ройс, Пако Алькасер (Брандт, 45).
«Падерборн»: Сингерле, Шонлау, Янс, Килиан, Коллинз, Прегер, Гьясула, Василиадис (Сабири, 40), Хольтманн (Антви-Аджей, 62), Мамба, Цолински (Михель, 77).
Огоҳлантириш:Ҳуммелс (28), Вайгль (74), Ҳакими (84), Коллинз (84)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)