Жорий йилнинг 22 ноябрь куни Тошкент шаҳрида бўлиб ўтадиган Mobicon—2019 конференциясининг расмий сайтида тадбир маърузачиларининг чиқишлари акс эттирилган тўлиқ дастури эълон қилинди. Конференциянинг очилиш маросими соат 9:00 да бошланади.Маърузачиларнинг чиқишлари International Hotel Tashkent меҳмонхонасининг иккита параллел бўлимларида тўлиқ бир кун давом этади. Тадбир якунида ташкилотчилар томонидан қимматбаҳо совғалар ўйналади.
Бу йил бир кун давом этадиган конференцияда Россия, Украина, Беларус, Қозоғистон, Тожикистон ва Ўзбекистондан ташриф буюрган 20 нафардан зиёд маърузачилар чиқиш қилишади. Халқаро маърузачилар жамоасида Yandex (yandex.uz излаш ва портали, шунингдек, Yandex.Денги), Mail.ru Group, 2GIS, Формула 55, Одноклассники ва бошқа халқаро компаниялар мутахассислари иштирок этишади.
Тингловчиларни мобил ва Интернет-маркетинг соҳасидаги етакчи мутахассисларнинг қизиқарли тақдимотлари кутмоқда. Ушбу конференция кетма-кет тўртинчи маротаба ўтказилмоқда.
Mobicon—2019 ташкилотчиси — Ledokol Group, Ўзбекистондаги етакчи медиа агентлиги.
Тадбирнинг расмий ҳамкорлари: Yandex, CLICK, CafePHO, Аvtech.
Тадбир Ўзбекистон Республикаси Ахборот технологиялари ва коммуникацияларини ривожлантириш вазирлиги кўмагида ўтказилмоқда.
Тадбирда иштирок этиш учун рўйхатдан ўтиш расмий @mobiconuzb Telegram канали орқали амалга оширилади. Тадбир бошланишидан бир неча кун олдин, айнан шу ерда электрон таклифнома чиптаси эълон қилинади.
Конференциянинг расмий веб-сайти: mobicon.uz.
Реклама ҳуқуқи асосида.
Изоҳ (0)