Европа Чемпионати—2020 саралаш босқичининг 10-туридан ўрин олган 17 ноябрь, якшанба кунидаги учрашувлар ўз якунига етди.

Фото: Twitter

Португалия терма жамоаси сўнгги турда Люксембургга қарши баҳс олиб борди. Бруну Фернандеш ва Криштиану Роналдунинг голлари меҳмонларга ғалаба келтирди. Бу ғалаба португалларни мусобақа финал босқичига олиб чиқди. Бироқ амалдаги чемпион гуруҳда иккинчи ўринни эгаллади.

Гуруҳдаги иккинчи ўйинда Украина терма жамоаси сўнгги дақиқаларда гол уриб, сафарда Сербия билан жанговар дуранг қайд этди. Шу тариқа Андрей Шевченко шогирдлари биринчи ўрин билан Евро—2020 мусобақасига йўл олди.

Англия терма жамоаси Косова майдонида меҳмон бўлди. Дастлаб 32-дақиқада Ҳарри Уинкс меҳмонларни олдинга олиб чиқди. Иккинчи бўлимда инглизлар яна учта тўп киритди. 79-дақиқада Ҳарри Кейн саралаш баҳсларидаги 12-голини урган ҳолда тўпурарга айланган бўлса, орадан кўп ўтмай Маркус Рэшфорд ҳисобни йирик кўринишга олиб келди. Ҳакам томонидан қўшиб берилган вақтда Мэйсон Маунт якуний ҳисобни ўрнатди.

Франция терма жамоаси сўнгги турда Албанияга қарши майдонга тушди. Корентин Толиссо ва Антуан Гризманнинг голлари фрасузларга ғалаба олиб келди. Туркия эса Андорра уйига ташриф буюрди. Энес Ўналнинг дубли туркларга навбатдаги уч очкони тақдим этди. Исландия эса Молдова устидан ғалабани қўлга киритди.

Евро—2020 саралаши

10-тур баҳслари

18 ноябрь, якшанба

Сербия — Украина 2:2

Голлар: 1:0 – 9, пенальти Тадич, 1:1 – 32 Яремчук, 2:1 – 56 Митрович, 2:2 – 90+3 Беседин.

Люксембург — Португалия 0:2

Голлар: 0:1 – 39 Бруну Фернандеш, 0:2 – 86 Роналду.

Болгария — Чехия 1:0

Гол: 1:0 – 56 Божиков.

Косово — Англия 0:4

Голлар: 0:1 – 32 Уинкс, 0:2 – 79 Кейн, 0:3 – 83 Рэшфорд, 0:4 – 90+1 Маунт.

Албания — Франция 0:2

Голлар: 0:1 – 8 Толиссо, 0:2 – 31 Гризманн.

Молдова — Исландия 1:2

Голлар: 0:1 – 17 Бьярнасон, 1:1 – 56 Милинчану, 1:2 – 65 Сигурдссон.

Андорра — Туркия 0:2

Голлар: 0:1 – 17 Ўнал, 0:2 – 21, пенальти Ўнал.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!