Бугун,

  • USD 11014.01
  • RUB 191.8
  • EUR 10674.78

Одамлар ишонувчан бўлади – биз бунга мунтазам равишда маникюр ва педикюр процедураларини қилувчи гўзаллик салонларининг мижозлари орасида ўтказган кўп сонли сўровлар натижасида ишонч ҳосил қилдик. Аёллар маникюр учун асбобларнинг тозалиги ва уларнинг соғлиқ учун хавфсизлиги ҳақидаги саволларга жавоб берар экан, «устага ишонаман» жавобини танлашади.

Маълум бўлишича, уларнинг аксарияти уста ишга киришишидан олдин асбобларга қандай ишлов берилгани билан ҳам қизиқмас экан. Ҳолбуки, маникюр ва педикюр процедуралари кам инвазив манипуляциялар сирасига киради, уларни амалга ошираётганда зарарланган қон орқали ўтадиган гемоконтактли инфекциялар юқиши мумкин. Масалан, ОИВ, B ва C гепатити вируслари. Мижозларнинг усталарга жуда юқори даражада ишониши факти эса салондаги усталарга ҳам, салон маъмуриятига ҳам катта масъулиятни юклайди. Улар стериллаш учун тегишли шароитларни таъминлаши шарт.

Ўзбекистон Соғлиқни сақлаш вазирлигининг статистикаси: ОИВ, B ва C гепатитлари вирусларини юқтириш ҳолатларининг 3-11% жарроҳлик, стоматологик, офталмологик, ларингологик, гинекологик операцияларда ҳамда кам инвазив аралашувларда, косметолог ёки маникюр ва педикюр устасининг процедураларида зарарланган тиббий асбоблар орқали юз беради.

Нафақат инекцияларда ностерил тиббий асбоблардан фойдаланиш ва хавфсизлик қоидаларига амал қилмаслик, балки косметология процедуралари, пирсинг, татуировка, маникюр ва сартарошлик асбоблари ҳам инфекцияни юқтириш сабабчисига айланиши мумкин. Хулоса шуки: биз гўзаллик салонларида ҳамда стоматология ва бошқа шифокорларнинг кабинетларида оладиган ва тери қопламаси ёки шиллиқ қаватлар яхлитлигини бузадиган деярли барча процедуралар гемоконтактли инфекциялар, хусусан C гепатити, яъни секин, аммо аниқ таъсир қиладиган «меҳрибон» қотил вирус юқиши билан жуда хавфлидир.Хўш, унда нима қилиш мумкин? Салонларга боришдан воз кечиш ва тишларни даволатмаслик керакми? Албатта, йўқ. Соғлиғингизнинг хавфсизлиги ҳақида ўйлаш, шифокорлар ва усталарга асбоблар стерилизацияси ҳақида савол беришдан тортинмаслик ва улардан батафсил маълумотлар олиш бундай ҳолатларни бартараф этиши мумкин.

Замонавий тиббиётда стериллашнинг турли усуллари мавжуд. New Medical Technologies  компанияси уларга қарама-қарши эмас, балки ҳамёнбоп муқобил сифатида тиббий асбоблардаги вируслар, бактериялар, замбуруғлар ва эндоспораларни стериллаш учун Safo Nur қурилмасини тақдим этади.

Бугунги кунда ушбу қурилма Ўзбекистоннинг кўплаб муассасаларида қўлланилмоқда: давлат ва хусусий стационарлар, поликлиникалар, турли профил ва даражадаги кабинетлар, гўзаллик салонлари ва косметология кабинетлари.

New Medical Technologies компаниясининг таъсисчиси О. Л. Мкртчян ва бош директор Р.С.Арифбаев шахсидаги раҳбарият томонидан Safo Nur қурилмасини Тошкентдаги болалар стоматология клиникаларига беғаразлик асосида тақдим этиш қарори қабул қилинди. Навбат — косметология ва гўзаллик салонларига.

Safo Nur қурилмасининг ишлаш принципи — тиббий асбоблардаги вируслар, бактериялар, замбуруғлар ва эндоспораларни инактивлаштириш, унинг асосида вирусларнинг цитопатогенлик хусусиятини йўқотиши ётади, яъни улар кўпайиш ва ҳужайраларни зарарлаш қобилиятини йўқотади ва натижада нобуд бўлади.

Бу муҳим! Қурилмада тиббий асбобларнинг ишчи характеристикаларини йўқотмасдан (яъни асбоблар ўтмаслашиб қолмайди ва ўз хусусиятларини йўқотмайди), уларнинг тўлиқ зарарсизланишини таъминлайдиган стериллашнинг кимёвий «совуқ» методи қўлланади. Қурилма нархи ҳамёнбоп, у бенуқсон ишлайди, бошқарилиши оддий, хизмат кўрсатувчи ходимлар учун хавфсиз, асбобларга зарар етказмайди ҳамда композит материаллар ва турли қотишмалар, пластик, силикон ва шишадан тайёрланган асбобларни стериллаш учун мос келади.

Қурилма яратувчиси ва инактивлаштириш усулининг муаллифи – Ўзбекистонлик олим, профессор ва тиббиёт фанлари доктори Нариман Гулямович Гулямов.

Safo Nur қурилмасининг дунёда аналоглари йўқ. Қурилмага Ўзбекистон Республикаси Патент идораси томонидан 23.05.2014 йилда IAP05259 патенти берилган, шунингдек у Евросиё патент идораси ва АҚШ патент идорасининг патентларига эга. Бундан ташқари дунёнинг бошқа мамлакатларида ҳам патентга аризалар тақдим этилган.

Вирусли инфекцияларга қарши курашиш – бу профилактика чораларини такомиллаштириш ҳамда шифокор ёки уста ишлайдиган асбобларнинг юз фоиз стерил бўлишига интилиш демакдир.

Касалликни даволагандан кўра унинг олдини олиш осонроқ, шундай экан, тиббиётнинг ушбу қадимий тамойилини кундалик амалиётга татбиқ этиш вақти келди.

Safo Nur — инновациялар соғлиғингиз ҳимоясида. Қўшимча маълумотлар NMT.uz сайтида ва +998 90 3512090 рақами бўйича.

Реклама ҳуқуқи асосида.

 

Изоҳ
Асосий янгиликлар