Президент 1 ноябрь куни «Тўловлар ва тўлов тизимлари тўғрисида»ги қонунни имзолади, деб хабар бермоқда «Ҳуқуқий ахборот» канали.
Ушбу қонуннинг мақсади тўловлар ва тўлов тизимлари соҳасидаги муносабатларни тартибга солишдан иборат.
Қонунга мувофиқ, тўлов тизими тўловларни тўлов тизимининг оператори, тўлов тизими иштирокчилари ва (ёки) тўлов ташкилотларининг тўлов тизими оператори томонидан белгиланган тўлов тизимининг тартиб-таомилларини, инфратузилмасини ва қоидаларини қўллаш воситасида ҳамкорлик қилиш йўли билан амалга оширишни таъминлайдиган муносабатлар мажмуидир.
Тўлов хизмати тўлов хизматларидан фойдаланувчи ва тўлов хизматларини етказиб берувчи ўртасида тузилган шартнома, шу жумладан оммавий оферта тарзидаги шартнома асосида кўрсатилади.
Ўзбекистон ҳудудида тўловлар қуйидагилар орқали амалга оширилади:
- нақд пул маблағларини ўтказиш;
- электрон пулларни ўтказиш;
- пул маблағларини тўлов воситаларидан фойдаланган ҳолда ўтказиш;
- пул мажбуриятини ёки пул маблағларини тўлаш тўғрисидаги фармойишни ўз ичига олган тўлов ҳужжатини бериш;
- электрон тўлов воситаларидан фойдаланиш.
Ушбу қонун расмий эълон қилинган кундан эътиборан 3 ой ўтгач кучга киради.
Қонунни тўлиқ кўринишда ушбу ҳавола орқали ўқиш мумкин.
Изоҳ (0)