Украина Донбассдаги можаро якунланганидан сўнг Россиядан товон пули талаб қилмоқчи

Украина минтақада вазият ўнгланганидан сўнг Донбасс тикланиши учун маблағ сарфлашига тўғри келмайди: бунинг учун Киев Москвадан товон пули талаб қилади. Бу ҳақда Украина инфраструктура вазири Владислав Криклий маълум қилди, дея хабар беради «Известия».

Вазирнинг айтишича, Киев Донбасснинг фақат ўзи назорат қилаётган қисмини тиклаш ва инвесторларни жалб этиш ниятида. Ҳозирнинг ўзида бир неча йирик компания сармоя киритиш истагини билдирган.

«Украиналиклар назорат остида бўлмаган ҳудуд учун пул сарфламайди. Бунинг иложи ҳам йўқ. Тажовузни уюштирган давлат ҳудудларимизни қайтариб берсин, товон тўласин, шундан кейин маблағ тикиш ва тиклаш ишлари ҳақида ўйлаб кўрамиз», — деди Криклий.