Францияда уйлардан биридаги ошхонада узоқ йиллар осилиб турган флоренсиялик мусаввир Чимабуэнинг картинаси 24 миллион евродан ошиққа сотилди. Бу ҳақда Meduza хабар бермоқда.

Фото: AFP

Бу ўрта асрлар рангтасвири учун рекорд кўрсаткич ҳисобланади.

Савдолар бошлангунга қадар сурат 4—6 миллион еврога сотилиши тахмин қилинганди. Actaeon аукцион уйи вакилларига кўра, бу Чимабуэнинг қачондир савдоларга қўйилган ягона асари ҳисобланади.

Картинанинг янги эгаси кимлиги ошкор этилмади, бироқ савдоларнинг 800 нафар иштирокчиси орасида хориж музейлари вакиллари ҳам бўлгани айтилмоқда.

Мавзуга доир:

Франциядаги ошхонада узоқ йиллар осилиб турган картина италиялик буюк мусаввир асари бўлиб чиқди. У аукционда 6 млн еврогача сотилиши мумкин