Чиройли соч азалдан инсон гўзаллигининг асоси саналади. Сифатли косметика ва сўнгги модадаги кийимларни топиш осон, аммо соғлом сочларга эга бўлиш анча вақт ва катта эътибор талаб этади.

Соч тўкилишининг белгилари

Соч тўкилиши оддий ҳол ҳисобланади. Ҳар бир соч толаси маълум бир яшаш даврига эга бўлади ва вақти етиб келганда у жойини янгисига бошатиб беради. Бир кунда 50 тадан 100 гача соч тўкилиши мумкин ва бу табиий ҳолдек. Агар соч тўкилиши одатий тўкилишдан ошиқроқ бўлса, сиз қалин ва чиройли сочларингиздан айрилиб қолишингиз мумкинми? Буни оддий синов ёрдамида аниқлаш мумкин:

Тўкилаётган сочингизга қаранг. Агар унинг охири ялтироқ илдиз билан тугаса, сиз бекорга хавотир олаётган бўласиз, яъни бу умри тугаган сочнинг табиий тўкилишидир. Бошингизни 2-3 кун давомида ювмасликка ҳаракат қилинг. Шу муддат якунида бошингизни ушланг ва сочингизни тортиб кўринг. Шунда тўкилган соч толаларини бир қоғозга қўйинг. Бошнинг турли соҳаларида шу амалиётни бир неча марта такрорланг. Қоғоздаги сочларни сананг. Агар сизда 15 тадан камроқ соч тўкилган бўлса, демак, соч тўкилиши даражаси нормал ҳолатда. Агар 15 тадан кўпроқ бўлса, унда бундай тўкилиш жуда кўп саналади. Шундай вазиятда эътиборлироқ бўлишингиз керак.

Соч тўкилишининг асосий сабаблари

Каллик ва соч тўкилишининг сабаблари ҳар хил бўлса ҳам, ҳар икки ҳолатда ҳам инсоннинг сочлари катта миқдорда йўқотилади. Соч тўкилишининг энг кўп учрайдиган сабабларидан бири танадаги темир микроэлементининг етишмаслигидир. Аёллар ҳайз пайтида табиий ойлик қон йўқотишлари туфайли кўпинча темир танқислиги анемиясидан азият чекишади ва унинг биринчи клиник кўриниши айнан тирноқ, тери ва сочларда сезилади.

Юқори жисмоний фаоллик, мувозанатсиз парҳез ва озиш учун қатъий парҳезлар анемия (камқонлик) ривожланишига олиб келиши мумкин. Шу билан бирга, сочлар рангсиз, қуруқ ва мўрт бўлиб қолади, анемия даволанмаса, соч тўкилиш жараёни фақатгина кучаяди.

Стрессли вазиятлар ва вегетатив асаб тизимининг бузилишлари бош терисидаги томирларнинг торайишига олиб келади. Узоқ чўзиладиган стресс ҳолатида томирлар нормал ҳолатга қайтмайди, бу эса сочларнинг тўкилишига олиб келади, чунки соч фолликуласи озиқланиши ёмонлашади.

Тананинг сурункали касалликлари, айниқса, эндокрин касалликларга учраганлар кўпинча сочларнинг тўкилишидан шикоят қилишади. Қалқонсимон без касалликлари, мояклар поликистози, пневмония ва сифилис (заҳм) каби касалликлар сочларнинг тўкилишига олиб келиши мумкин. Шунинг учун муаммо кўпроқ эстетик бўлса-да, шунга ўхшаш аломатлари бўлган барча беморлар кенг қамровли кўрикдан ўтишлари қилиш керак.

Баъзи дориларни қабул қилиш соч тўкилишига туртки бўладиган ножўя таъсирга эга. Бундай таъсирга эга дорилар тахминан юзга яқин, асосан, орал контрацептивлар, антидепрессантлар, гипотензив ва стероид препаратлар. Аспирин, зарарсиз кўринадиган бўлса-да, доимий қабул қилниши натижасида кўпинча соч тўкилишига олиб келади.

Қоматни сақлаш учун ўз таркибида оғир метал тузлари ва селен сақлаган препаратлар сочларга яхши таъсир кўрсатмайди ва ундай дорилар асосан ич сурадиган таъсир кўрсатгани учун витамин ва минералларнинг сўрилиши бузилади. Шунинг учун бу ҳолатда соч тўкилиши оғир метал тузлари билан сурункали заҳарланиш ва анемия билан боғлиқ.

Сочни бўяш, кимёвий ўраш, соч қуритгич (фен) билан керагидан ортиқ қуритиш сочларнинг тўкилишига олиб келиши мумкин. Узоқ муддат соч париклар, улама сочлар тақиб юриш ва сочлар ёки бош териси парвариши воситаларини нотўғри қўллаш турли муаммоларга олиб келиши мумкин.

Совуқ мавсумда бош кийимларини кийганда сочга бепарволик қилиш ва кофеин сақлаган ичимликларни истеъмол қилиш бошдаги қон томирларнинг доимий спазмига олиб келади, бу эса соч фолликулаларининг етарлича озиқланмаслигига сабаб бўлади.

Кўпинча, сочларни кўчириб ўтказган беморлар кўчириб ўтказилган сочларнинг тўкилиб кетишига эътибор беришади. Бу тананинг оддий реакцияси, янги жойга кўчирилган фолликулалар, стрессни бошдан кечиришади ва қисқа танаффусдан кейин соч ўсишда давом этади.

Соч тўкилишини ташхислаш ва аниқлаш

Соч тўкилиши эътиборга олинмай қолмайди. Алопеция (каллик) асосан эркакларда кузатилса, аёлларда тез-тез соч тўкилиши билан боғлиқ муаммолар учрайди.

Оддий сочларнинг тўкилишидан алопесиянинг муҳим фарқи шундаки, соч тўкилишида соч фолликулининг патологияси кузатилмайди. Шунинг учун сочларнинг йўқотилиши жараёни ривожланганлик босқичидан қатъи назар, ҳар доим тикланади. Сочларнинг учи яқиндан текширилганда, қорамтир халтачани кўриш мумкин — бу яхши белги эмас. Агар сочни тортганда қўлда бешдан ортиқ соч толаси қолса, бу сочларнинг тўкилиши одатдагидан анча юқори эканлигини кўрсатади.

«Minox» лосьони ҳар хил дори препаратлар, яъни оғир юқумли касалликлар таъсирида соч илдизлари ўлганда ҳамда кундалик озиқа таркибида витамин етишмаслигида соч тўкилишининг олдини ола олмайди.

Агар соч тўкилиши тўсатдан бошланган ва соч тўкилиши аниқ кўринишига эга бўлса, дарҳол тўкилишининг олдини олиш учун «Minox»ни қўллаш мувофиқлигини билиш мақсадида аввал дерматолог шифокорга учрашишингизни тавсия қиламиз.

«Minox» лосьон-спрейи фақатгина ташқи қўлланиш учун ишлаб чиқилган. Уни 1 мл дозада суткасига 2 марта, яъни эрталаб ва кечқурун, қуруқ бош терисига 6—7 марта флакон устидаги қопқоғига босиб, соч тўкилган жойларга сепиб, қўл бармоқлари ёрдамида 1 дақиқа суртилади.

Мисол учун, эрталаб бошингизни ювиб, 15 дақиқадан кейин, бош териси қуриганидан сўнг «Minox» лосьонини суртасиз ва ишингизга борасиз, ишдан келганингизда бошни ювмасдан «Minox» лосьонини яна суртасиз ва эрталабгача ювмайсиз. Ҳар кун шундай режимдан фойдаланасиз.

«Minox» бош терисида 30 дақиқада қурийди — ювиш зарур эмас. Қўлланиш давомийлиги 5—6 ойдан кам бўлмаслиги керак. Бу муддат сочларнинг тўкилишини камайиши ва янги сочлар ўсиб чиқиши учун етарли деб ҳисобланади. Қўллаш курсини ҳар 6 ойда қайтариш мумкин.

Агар соч тўкилишининг сабаби аниқланмаган ёки унинг олдини олишнинг имкони йўқ бўлса, яъни андроген алопеция — ота-онадан, авлоддан авлодга ўтган соч тўкилишида «Minox»ни ҳар доим қўллаб бориш тавсия этилади.

Ота-онадан, авлоддан авлодга ўтган соч тўкилиши даволашда «Minox» лосьонидан фойдаланиб, сочингизнинг умрини узайтирасиз. Агар сочингизнинг илдизи қуриб ўлмаган бўлса, 4—6 ойда соғлом ўсишни бошлайди. Лекин бу вазиятда лосьонни қўллаш тўхтатилса, соч аввалги ҳолатига қайтиб, янги ўсиб чиққан сочлар тўкилиб кетиш эҳтимоли бор.

Агар сочингизнинг илдизи қуриб ўлган бўлса, 4—6 ойда натижа бўлмаса,«Minox» ишлатишни тўхтатасиз. Агар соч тўкилиши ва яралиши турғун характерга эга бўлса, лосьонни ҳар доим қўллаш ёки узоқ муддатли курслар олиб борилиши натижасида сочларнинг давомий ўсиб чиқишини таъминлайди.

Таъсир этиш эҳтимоли:

Лосьонни қўллашнинг бошида сочлар тўкилиши кўпайиши ҳам мумкин. Бу соч илдизидаги модда алмашинуви тезлашиши жараёнида юзага келган нормал ҳолат ҳисобланади. Шу тариқа бошдан эски соч толалари, яъни яқин 2 ой давомида тўкилиши лозим бўлган сочлар тўкилиб, ўрнига янги мустаҳкам сочлар ўсиб чиқади.

Бизни ижтимоий тармоқларда кузатиб боринг:

Facebook, Одноклассники, Instagram, Telegram

Реклама ҳуқуқи асосида.