Тошкент метрополитенининг барча бекатларида Wi-Fi’га уланиш имконияти пайдо бўлди. Бепул Интернетдан фойдаланишни бошлаш учун метрога тушмасдан аввал СМС — рўйхатдан ўтиш керак.
7 октябрдан бошлаб метрополитен фойдаланувчиларига Интернетдан бепул фойдаланиш имконияти тақдим этилди. Ушбу лойиҳани амалга ошириш икки компания — Metrotelecom ва Sola Wi-Fi операторининг ҳамкорлиги туфайли амалга оширилди.
Эндиликда Тошкент метрополитенига барча ташриф буюрувчилар ижтимоий тармоқларнинг тасмали хабарларини кўришлари, онлайн тарзда севимли мусиқаларини тинглашлари ва тезкор мессенжерларида суҳбатлашишлари мумкин.
Тизим томонидан киришнинг икки тури таъминланади — пуллик ва бепул.
Бепул тармоққа уланиш учун қуйидаги амалларни бажариш керак:
1. Метрога тушишдан олдин #MetrotelecomFree тармоғини танлаш;
2. Телефон рақами орқали рўйхатдан ўтиш;
3. Реклама ролигини томоша қилиш;
4. Интернетга кириш имкониятини қўлга киритиш.
Интернетга қандай уланиш бўйича кўрсатмалар, шунингдек, метрога тушишдан олдин кўриш мумкин бўлган махсус тахтачаларда тасвирланади.
«Ушбу лойиҳа бизнинг компания ва техник ҳамкоримиз Sola учун муҳим воқеа. Биз уни амалга ошириш учун узоқ вақт тер тўкдик ва бу фақат бошланиши. Ушбу тадбир Ўзбекистон бозори учун мутлақо янги телекоммуникацион ечимлар ва хизматларни илгари суришга қаратилган босқичлардан биридир. Амалга оширилган ҳаракатлар кўплаб хизматларни тақдим этиш ва аҳолининг ва сайёҳларнинг ҳаётини янада қулай қилиш имконини беради. Келгусида янада қизиқарли ташаббусни амалга оширишни режалаштирмоқдамиз », — таъкидлади Metrotelecom компанияси директори Олимов Олимхон.
Аввалроқ, Metrotelecom Ucell билан биргаликда метро бекатларида мобил алоқа хизматларини йўлга қўйганлиги ҳақида хабар берган эдик, ушбу компания билан техник шериклик туфайли вагонлар ичида алоқа ўрнатиш лойиҳасини биргаликда амалга ошириш режалаштирилмоқда.
Реклама ҳуқуқи асосида.
Изоҳ (0)