Аввалроқ «Барокатли» бозорида бир неча соат навбатда туриб тухум харид қилинаётгани хабар қилинганди. Энди шаҳарда вақти-вақти билан давлат тухум дўконлари ёпиқ туриши ҳолатлари кузатилмоқда.
Тухум савдоси 30 сентябрдан қайта бошланди, бироқ кейинги кунларда тухумлар даврий равишда гоҳ расталарда пайдо бўлди, баъзида эса яна йўқолиб қолди.
Гувоҳларнинг билдиришича, тухум дўконларда сотилмайдиган куни бозорга юк машиналари кириб келади ва улар чиқиб кетганидан кейин тухум савдоси бўлмаслиги эълон қилинади.Харидорлар фикрича, давлат дўконлари директорлари танқис маҳсулотларни хусусий савдо нуқталарида сотиш орқали даромад кўрмоқда. Чунки давлат дўконида 5 манатга 11 та тухум харид қилинса, хусусий савдода нарх деярли икки баробар қиммат 1 та тухумнинг нархи 0,9 – 1 манатга тенг. Давлат дўконларига тухум келган куни сотувчилар уни 30 дақиқа ичида сотиб тугатмоқда.
Изоҳ (0)