Перу президенти Мартин Вискарра вазирлар маҳкамасининг янги таркибини белгилаб берди. 30 сентябрда давлат раҳбари Конгресс тарқатиб юборилиши ва сайловлар муддатидан аввал ўтказилишини маълум қилганди. Бу ҳақда «Коммерсантъ» хабар берди.
Ушбу воқеаларга қадар таркибида муҳолифат вакиллари кўпчиликни ташкил қилган Конгресс бир неча марта президентнинг ташаббусларининг амалга оширилишига тўсқинлик қилган.
Вазирликларнинг барча янги раҳбарлари президентга қасамёд қилди. Ҳукумат бошқаруви собиқ Адлия вазири Висенте Себальосга топширилди. Перунинг янги ташқи ишлар вазири этиб мамлакатнинг БМТдаги вакили Гонсало Меса Куадра, мудофаа вазири этиб истеъфодаги генерал Вальтер Руис тайинланди. Иқтисодиёт ва молия вазирлигига иқтисодчи Мариа Антонина Альва, Энергетика ва тоғ ишлари соҳаси бошқаруви Хуан Карлос Лиуга топширилди. Вазирлар маҳкамасининг аввалги таркибидаги 10 нафар вазир ўз ўрнини сақлаб қолди.
Мавзуга доир:Перу президенти парламентини тарқатиб юборишни буюрди. Парламент давлат раҳбарининг ўзини бир йилга четлатди
Изоҳ (0)