Украинада икки бошли чақалоқ туғилишига ташқи омиллар таъсир қилганлиги тахмин қилинди

Украинада бир тана ва икки бошли Сиам эгизаклари ташқи омиллар таъсирида туғилган бўлиши мумкин. Бу ҳақда Россия тиббиёт фанлари академияси акушерлик ва гинекология институти лаборатория мудири, генетик олим Владислав Баранов маълум қилди.

Унинг айтишича, мазкур ҳолатни генетик хато эмас, балки ултратовуш таъсири ёки айрим дорилар истеъмоли келтириб чиқарган бўлиши мумкин. Эмбрион нотўғри ривожланаётганини эса ҳомиладорликнинг бешинчидан ўнинчи ҳафтасигача бўлган муддатда аниқлаш мумкин эди.

Барановга кўра, қизлар узоғи билан бир неча ой яшаши мумкин. Бир юракка эга эгизакларни операция қилиш мумкин, бироқ у ўта мураккаб ва қиммат туради.