2019 йилнинг биринчи ярмида Ўзбекистонга қанча гўшт олиб кирилган?

Очиқ маълумотлар порталида Ўзбекистонга 2019 йилнинг биринчи ярим йиллиги давомида қанча миқдорда гўшт олиб кирилгани боғлиқ рақамлар эълон қилинди.

Маълум бўлишича, 2019 йилнинг биринчи ярми давомида Ўзбекистонга йирик шохли қорамол гўштидан 985 тонна импорт қилинган. Бу маҳсулот қиймати 3 миллион доллар атрофида бўлган.

Шу турдаги гўштнинг музлатилганидан эса 204 тоннага яқин импорт қилинган. Бу салкам 478 минг долларига тенг.

Ўтган бу даврда 5,8 миллион доллар қийматида бўлган 7 674 тонна парранда гўшти ва маҳсулотлари импорт қилинган.

Импорт қилинган тирик балиқ миқдори 4,5 тоннани ташкил қилган бўлса, музлатилган балиқдан 260 минг доллар қийматида 47,7 тонна олиб кирилган.

Аввалроқ, гўшт нархлари кўтарилиши билан боғлиқ масалага Давлат статистика қўмитаси муносабат билдирганди.

Шунингдек Ўзбекистон Фермерлар кенгаши раиси Актам Ҳайитов гўшт нархи ошишига изоҳ берганди.