Футбол бўйича Евро—2020 мусобақаси саралаш босқичи 5-тури доирасида 7 сентябрь, шанба куни гуруҳларда 7 та беллашув якунланди.
«А» гуруҳидан ўрин олган баҳсда Гарет Саутгейт қўл остидаги Англия терма жамоаси «Уэмбли» стадионида Болгария термасини синовдан ўтказди.
Учрашув давомида англиялик ҳужумчи Ҳарри Кейн (24, 49—пенальти, 73—пенальти) ҳет-трикка эришган бўлса, ҳужумкор ярим ҳимоячи Раҳим Стерлинг 55-дақиқада ўз номига битта гол ёздириб қўйди.
Шу тариқа Англия Болгария дарвозасига жавобсиз 4 та гол уриб, навбатдаги ғалабасини тантана қилди.
Мазкур ғалабадан сўнг Саутгейт шогирдлари очколари сонини 9 тага етказиб, гуруҳда пешқадамлик қилмоқда. Болгария эса 2 очко билан 4-ўринни эгаллаган.
«А» гуруҳидаги ҳолат:
УЕФА Миллатлар Лигасининг илк ғолибига айланган Португалия терма жамоаси меҳмонда Сербияга қарши майдонга тушди.
Ўйинда Португалия термаси аъзолари Вильям Карвалью (42), Гонсалу Гедеш (58), Криштиану Роналду (80) ҳамда Бернарду Сильва (86) рақиб дарвозасини ишғол қилган бўлса, майдон эгаларининг голларига Никола Миленкович (68) ва Александар Митрович (85) муаллифлик қилди.
Натижада португаллар сафарда Сербия устидан 4:2 ҳисобидаги ишончли ғалабага эришди.
Қайд этиш лозим, Португалия 5 очко тўплаган ҳолда «Б» гуруҳида 2-ўринни банд қилиб турибди. Сербия эса 4 очко жамғариб, 4-поғонада бормоқда.
«Б» гуруҳидаги ҳолат:
Шу куни «Ҳ» гуруҳида Дидье Дешам бошқарувидаги амалдаги Жаҳон Чемпиони Франция терма жамоаси ўз майдонида Албания билан ўйнади.
Учрашув давомида Франция термаси вакиллари Кингсли Коман (8, 68), Оливье Жиру (27), Жонатан Иконе (85) томонидан урилган голларга меҳмонлар Соколь Цикалешининг 90-дақиқада пенальтидан урган голи билан жавоб қайтарди.
Шу тариқа французлар ўз уйида кечган баҳсда Албанияни йирик ҳисобда мағлубиятга учратди ва 3 очкони қўлга киритди (4:1).
Ушбу ғалабадан сўнг Франция очколари сонини 12 тага етказиб, гуруҳда еткачиликни ўз қўлига олди. 4-ўринда бораётган Албания ҳисобида эса 6 очко мавжуд.
«Ҳ» гуруҳидаги ҳолат:
Евро—2020
Саралаш босқичи
5-тур баҳслари
7 сентябрь, шанба
«А» гуруҳи
Косово—Чехия 2:1
Голлар: 0:1 — 16 Шик, 1:1 — 20 Мурики, 2:1 — 66 ВойводаАнглия—Болгария 4:0
Голлар: 1:0 — 24 Кейн, 2:0 — 49, пенальти Кейн, 3:0 — 55 Стерлинг, 4:0 — 73, пенальти Кейн«Б» гуруҳи
Литва—Украина 0:3
Голлар: 0:1 — 7 Зинченко, 0:2 — 27 Марлос, 0:3 — 61 МалиновскийСербия—Португалия 2:4
Голлар: 0:1 — 42 Вильям Карвалью, 0:2 — 58 Гедеш, 1:2 — 68 Миленкович, 1:3 — 80 Роналду, 2:3 — 85 Митрович, 2:4 — 86 Бернарду Сильва«Ҳ» гуруҳи
Исландия—Молдова 3:0
Голлар: 1:0 — 31 Сигторссон, 2:0 — 55 Бьярнасон, 3:0 — 77 БедварссонТуркия—Андорра 1:0
Гол: 1:0 — 89 ТуфанФранция—Албания 4:1
Голлар: 1:0 — 8 Коман, 2:0 — 27 Жиру, 3:0 — 68 Коман, 4:0 — 85 Иконе, 4:1 — 90, пенальти ЦикалешиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)