Ўзбекистоннинг Истанбул шаҳридаги Бош консулхонаси берган маълумотга кўра, «Gaziosmanpaşa Eğitim ve Araştırma Hastenesi» тиббиёт муассасасида узоқ вақт қандли диабетдан азият чеккан Ўзбекистон фуқароси Ш.Т. 21 август куни вафот этди, деб хабар берди ТИВ матбуот хизмати.
18 август куни Чанаккале вилоятидаги давлат касалхонасида август ойи бошида йўл-транспорт ҳодисаси натижасида мазкур муассасага жойлаштирган Ўзбекистон фуқароси У.М. вафот этди.
«Бош консулхона ушбу вазиятларни назоратга олган ва ҳамюртларимизнинг жасадларини дафн этиш учун ватанга жўнатиш борасида марҳумларнинг қариндошларига тегишли консуллик-ҳуқуқий ва ташкилий масалаларни ҳал қилишда ёрдам кўрсатмоқда.
Консуллик-ҳуқуқий департаменти марҳумнинг оила аъзолари ва яқинларига таъзия билдиради ҳамда Туркия, Болгария, Руминия ҳудудида бўлиб турган Ўзбекистон фуқароларига улар зарур ҳолатларда Истанбул шаҳридаги Бош консулхонага қуйидаги телефон рақамлари орқали мурожаат қилишлари мумкинлигини эслатиб ўтади: +90 212-323-20-37, +90 212-229-00-75», — дейилади хабарда.
Изоҳ (0)