Ўзбекистон Республикаси Президенти ҳузурида жорий йилнинг 2 август куни ўтказилган видеоселектор йиғилишида тижорат банкларига юклатилган топшириқлар ижросини таъминлаш мақсадида 8 август куни «Микрокредитбанк» АТБ бошқаруви раиси ҳамда масъул раҳбар ходимлар томонидан ҳудудларда кичик бизнес ва тадбиркорлик субъектлари билан сайёр учрашувлар ташкил этилди.
Сайёр учрашувлар давомида Ўзбекистон Республикаси Президенти томонидан банк тизими олдига қўйилаётган устувор вазифаларни амалга оширишда банкларнинг ўрни ва роли ҳамда бу борада Республика миқёсида олиб борилаётган ишлар кўлами, мақсад ва долзарб вазифаларга батафсил тўхталиб ўтилди.
Тадбиркорлик субъектларини ҳуқуқ ва манфаатларини ҳимоя қилиш, уларни қийнаб келаётган муаммоларни жойида ўрганиш ва бартараф этиш, Давлат ва маҳаллий дастурларга киритилган барча лойиҳаларни ўз вақтида молиялаштириш, кичик бизнес ва тадбиркорлик субъектлари фаолияти билан шуғулланиб келаётган фуқароларнинг муаммоларига қаратилиб, уларнинг фикр мулоҳазалари эшитилди ҳамда очиқ мулоқот давомида ҳеч бир сансоларликларсиз банк хизматлари кўрсатиш бугунги куннинг энг муҳим вазифаларидан бири эканлиги алоҳида таъкидланди.
Жумладан, экспорт ва экспорт олди молиялаштириш, экспорт кредитлари ва таваккалчиликларини суғурталаш механизмларини самарали ташкил этиш, Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси орқали кредит фоизларини компенсация қилиш ва кафиллик бериш тартиблари бўйича атрофлича маълумотлар берилди.
Сайёр учрашувларда тадбиркорлар томонидан йўлланган 471 та мурожаатлар атрофлича ўрганилиб, кўтарилган масалалар мутасадди раҳбарлар иштирокида ҳал этиш чоралари кўрилди. Ҳа бир мурожаат диққат билан тингланиб, ўртага ташланган масалалардан 263 та кичик бизнес ва тадбиркорлик субъектларининг лойиҳалари жойида ҳал этилган бўлса, қолган 208 та қўшимча ўрганиш талаб этиладиган мурожаатларни қисқа муддатларда ҳал этиш чоралари кўрилиб, мутасадди раҳбарларга муддати белгиланган ҳолда қатъий вазифа ва топшириқлар берилди.
Хусусан, «ЯТТ Маматқулова Саидахон» тикувчилик фаолиятини кенгайтириш учун 100 млн сўм миқдорида имтиёзли банк кредитига эҳтиёжи борлиги, бироқ гаров мулки етмаганлиги сабабли Тадбиркорлик фаолиятини ривожлантиришни қўллаб-қувватлаш давлат жамғармаси кафиллиги асосида ҳамда банкнинг Қўқон филиали мижози «Алп Жамоли Данғара» МЧЖнинг Тожикистон республикасига экспорт қилиш шартномаси бўйича маҳсулотни ўз вақтида етказиб беришга тўқув дастгоҳларига эҳтиёжи борлиги, ушбу тўқув дастгоҳларини сотиб олишга 50 минг АҚШ доллари миқдорида кредит маблағи зарурлиги, бироқ кредит фоизлари юқорилиги сабабли, Тадбиркорлик фаолиятини ривожлантиришни қўллаб-қувватлаш давлат жамғармасининг компенсация тўлови асосида кредит олиш тавсия этилди.
Бундан ташқари, Самарқанд вилояти, Булунғур филиали мижози ЯТТ «Азиза Қудратова»га 115 млн сўм айланма маблағларни шакллантириш учун кредит ажратиш масаласи бўйича кредит ҳужжатлари расмийлаштирилиб, 1 кун муддатда кредит маблағи ажратилиши назоратга олинди.
Банк филиаллари томонидан амалга оширилаётган ишларнинг барчаси халқ фаровонлиги ва даромадларини ошириш, янги иш ўринлари яратиш орқали иш билан таъминлашда муҳим аҳамиятга эга эканлиги алоҳида таъкидланди.
Реклама ҳуқуқи асосида.
Изоҳ (0)