O‘zbekiston Respublikasi Prezidenti huzurida joriy yilning 2-avgust kuni o‘tkazilgan videoselektor yig‘ilishida tijorat banklariga yuklatilgan topshiriqlar ijrosini ta’minlash maqsadida “Mikrokreditbank” ATB boshqaruvi mas’ul rahbar xodimlari tomonidan hududlarda kichik biznes va tadbirkorlik subyektlari bilan sayyor uchrashuvlar davom etmoqda.
Mazkur uchrashuvlar davomida davlat rahbari tomonidan bank tizimi oldiga qo‘yilayotgan ustivor vazifalarning maqsadi, amalga oshirilayotgan ishlar ko‘lami, yaratilayotgan imkoniyatlar xususida batafsil tushuntirishlar berilmoqda.Termiz shahrida faoliyat yurituvchi “Otash sifat ” MChJ tomonidan 50 o‘rinlik mehmonxona qurish ishlari yakunlanib qolganligi, biroq ishga tushirish uchun jihozlar sotib olgani 300 mln so‘m mablag‘ zarurligini bildirgan. Jamiyatning biznes rejasi va taqdim etgan hisob kitoblari o‘rganib chiqilib, jihozlar sotib olgani 300 mln so‘m mablag‘ ajratish masalasi hal etildi. Loyiha tasshabbuskori mehmonxona 15-avgust kuni foydalanishga topshirilishini ta’kidladi.
Tadbirkorlik subyektlarining huquq va manfaatlarini himoya qilish, ularni qiynab kelayotgan muammolarni joyida o‘rganish va bartaraf etish bugungi kunning eng muhim vazifalaridan biri ekanligini tadbirkorlar va fuqarolar o‘zlarining faoliyatida amaliy tarzda guvohi bo‘lmoqda.Surxondaryo viloyatida o‘tkazilgan sayyor uchrashuvlarda 96 nafar tadbirkor ishtirok etib, 27 ta murojaat atroflicha o‘rganilib, ko‘tarilgan masalalarni mutasaddi rahbarlar ishtirokida hal etish choralari ko‘rildi.Har bir murojaat diqqat bilan tinglanib, o‘rtaga tashlangan masalalardan 11 ta kichik biznes va tadbirkorlik subyektlarining loyihalari joyida hal etilgan bo‘lsa, qolgan 16 ta qo‘shimcha o‘rganish talab etiladigan murojaatlarni qisqa muddatlarda hal etish choralari ko‘rilib, mutasaddi rahbarlarga muddati belgilangan holda qat’iy vazifa va topshiriqlar berildi.
Reklama huquqi asosida.
Izoh (0)