Трамп Ким Чен Индан «жуда яхши» хат олганини айтди

Трамп КХДР раҳбаридан «жуда яхши» хат олганини айтди ва уни «ўта шахсий» дея таърифлади. «Интерфакс»нинг ёзишича, АҚШ президенти бу ҳақда Оқ уйда бўлиб ўтган журналистлар билан учрашувда маълум қилган.

Трампнинг сўзларига кўра, яқинда КХДРда учирилган ракеталардан Ким Чен Иннинг ўзи ҳам норози бўлган. Шу билан бирга, Трамп Шимолий Корея у билан музокаралардан сўнг ядро қуролини синовдан ўтказмаётганини таъкидлаган.

Трамп ядросизланишни муҳокама қилиш учун Ким Чен Ин билан яна бир марта учрашиши мумкинлигини истисно қилмаган.