Навоий вилояти ҳокими Қобул Турсунов Хатирчи тумани марказида сайёр қабул ташкил қилди. Бу ҳақда Навоий вилояти Президент халқ қабулхонаси матбуот хизмати маълум қилди.
Тадбирда вилоят Халқ қабулхонаси раҳбари, сектор раҳбарлари, вилоят корхона, ташкилот, муассаса ва ҳуқуқни муҳофаза қилувчи органлар раҳбарлари иштирок этди. Сайёр қабулда аҳолининг мурожаатлари атрофлича ўрганиб чиқилди.
Таҳлилларнинг кўрсатишича, 2019 йилнинг биринчи ярим йиллигида фуқаролардан тушган мурожаатларнинг қарийб 40 фоизи жойида ҳал этилмоқда.
Бу галги сайёр қабулда 37 нафар фуқаро томонидан 51 та масалани ўртага ташланган-ю мурожаатлардан 17 таси жойида ҳал этилган, 14 таси бўйича ҳуқуқий тушунтириш берилган, 20 таси масалани ҳал этиш учун ўрганиш жараёнида.
Шу куни Давлат хизматлари агентлигининг мобил автобуси аҳолига ўз хизматларини кўрсатган. Шу жойнинг ўзида меҳнат ярмаркаси, китоблар кўргазмаси ташкил этилиб, банклар ўз хизмат турлари тақдимотини ўтказган.
Изоҳ (0)