ФИФА кунлари доирасида футбол бўйича Ўзбекистон олимпия терма жамоаси 11 июнь, сешанба куни Наманганда Миср олимпиячиларини қабул қилди.
Ўйинда ҳисобни 17-дақиқада Исломжон Қобилов очди. У мисрликлар дарвозасига белгилаган пенальтини голга айлантирди. Учрашувнинг 58-дақиқасида Азизжон Ғаниев жарима майдончаси ташқарисидан кучли зарба йўллаб, ҳисобни 2:0 кўринишига келтирди. Орадан саккиз дақиқа ўтиб, Бобур Абдуҳолиқов ҳам ўз номини таблога ёздириб қўйди. Миср термаси эса 82-дақиқада Аҳмад Ёсир, 90+4-дақиқада Муҳаммад Абдусаломларнинг голлари билан жавоб қайтаришга эришди.
Шу тариқа ўйин 3:2 ҳисобида Ўзбекистон фойдасига ҳал бўлди.
Эслатиб ўтамиз, мазкур икки терма жамоа 9 июнь куни Андижонда баҳс олиб бориб, унда ҳам ўзбекистонлик олимпиячиларнинг қўли баланд келганди — 2:0.
Ўртоқлик ўйини
11 июнь, сешанба
Ўзбекистон — Миср 3:2
Голлар: 1:0 — 17 Исломжон Қобилов, 2:0 — 58 Бобур Абдуҳолиқов, 3:0 — 66 Азизжон Ғаниев, 3:1 — 82 Аҳмад Ёсир, 3:2 — 90+4 Муҳаммад Абдусалом.Ўзбекистон — 1.Умид Эргашев, 2.Ислом Қобилов, 5.Дилшод Саитов, 6.Азиз Ғаниев (4.Абдулла Абдуллаев, 90+2), 7.Шароф Муҳитдинов, 8.Нурилло Тўхтасинов (17.Жасур Жалолиддинов, 83), 10.Бобир Абдихолиқов (9.Асадбек Собиржонов, 70), 11.Миржаҳон Мираҳмадов (13.Шоҳруҳ Абдураҳмонов, 90), 14.Аброр Исмоилов, 20.Ҳусниддин Ғофуров, 22.Санжар Қодирқулов (3.Аббос Ғуломов, 75)
Миср — 23.Муҳаммад Собҳи, 2.Карим Яҳё (25.Аҳмад Саид, 46), 4.Осама Жалол, 6.Муҳаммад Собир (3.Муҳаммад Айман, 73), 8.Носир Маҳер, 11.Мустафо Муҳаммад, 17.Аҳмад Рамазон, 18.Муҳаммад Содиқ (5.Муҳаммад Абдулсалом, 31), 19.Аммар Ҳамди, 22.Салоҳ Муҳсин, Муҳаммад Ғанан.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)