Режиссёр Акром Шоҳназаров томонидан реал воқеага асосланган «101-рейс» бадиий фильмининг суратга олиш жараёнлари тугади. Бу ҳақда My Day хабар қилади.
Мазкур фильмда 2001 йил АҚШнинг Нью-Йорк шаҳрида содир этилган террорчилик ҳаракати оқибатида Шимолий Америка ҳаво ҳудудида қийин вазиятда қолган – бортида 180 нафар йўловчи бўлган «Ўзбекистон ҳаво йўллари» авиакомпаниясига қарашли Боинг-757 самолётининг 101-рейс экипажи кўрсатган жасорат ҳақида ҳикоя қилинади.
Фильмда актёрлардан Ҳошим Арслонов, Умид Искандаров, Самиддин Лутфуллаевлар билан бир қаторда таниқли актрисалар Лола Элтоева, Баҳора Арслонова, Нигина Анорбоевалар, шунингдек, ёш, ҳаваскор актёрлар ҳам суратга тушган.
Изоҳ (0)