72-халқаро Канн фестивали Гран-присини қўлга киритган ўзбекистонлик ёш режиссёр Шокир Холиқовга «Ўзбеккино» сервиз совға қилди. Бу ҳақда режиссёрнинг ўзи Facebook’даги саҳифасида эълон қилган. Бироқ ҳозирда ушбу пост ўчириб ташланган, деб хабар беради Repost.
Канн фестивали доирасида Холиқов ўзининг «Чой» номли қисқа метражли фильмини тақдим этган. Тақдимот имконияти чекланган инсонларнинг долзарб муаммоларига жамоатчилик эътиборини тортишга қаратилган ENTRE 2 Marches лойиҳаси доирасида ўтказилган.
16 дақиқа давом этадиган «Чой» фильми давомида инсонийлик, оқкўнгиллик ва қарияларга нисбатан раҳм-шафқат ҳақида сўз боради.
Изоҳ (0)