Ёз фасли АҚШ аҳолиси учун унутилмас шоулар ва юлдузлар иштирокидаги концертлар-у томошаларга бой бўлиши кутилмоқда. Хусусан, Американинг йирик шаҳарларида асли ўзбекистонлик бўлган дунёга машҳур дизайнер Алишер ўз кўргазмасини тақдим этади, деб хабар берди Forum Daily.
Алишер Аълоев 1970 йили Тошкентда туғилган, мода оламининг ёрқин намоёндаларидан бири. Вақтида Bouton модалар уйига директорлик қилган, унга машҳурлик моделер Стелла Ндомби билан биргаликда яратган Boxer Second Skin коллекциясидан сўнг келган.
Ҳозирда Россияда ижод қилиб, Алла Пугачёва, Земфира, Наташа Королёва, София Ротару, Филипп Киркоров каби эстрада юлдузлари билан ҳамкорликда ишлайди.
Бундан ташқари америкалик таниқли қўшиқчи ва актриса Женнифер Лопес, Британиянинг дунёга машҳур Queen ҳамда The Rolling Stones рок-гуруҳлари, шунингдек, Backstreet Boys поп-гуруҳи июнь—июль ойлари давомида Лос-Анжелес, Сан-Франциско, Нью-Йорк, Майами шаҳарларида ўз концерт дастурларини тақдим этади.
Изоҳ (0)