Бухорода кўз касалликлари шифохонасининг янги биноси фойдаланишга топширилди

Бухорода кўз касалликлари шифохонасининг 50 ўринга мўлжалланган янги замонавий биноси фойдаланишга топширилди. Бу ҳақда вилоят соғлиқни сақлаш бошқармаси бошлиғи Илҳом Нарзиев хабар берди.

«Омега Агро Строй» МЧЖ томонидан қуриб битказилган ушбу бино учун маҳаллий бюджетдан 5 миллиард 200 миллион сўм маблағ ажратилган. Шифохона 1,2 миллиард сўмлик замонавий тиббий диагностика воситалари, жиҳозлар билан таъминланган.

Шифохонада беморлар учун махсус ва умумий хоналар мавжуд. Беморларга юқори малакали ихтисослаштирилган тиббий ёрдам кўрсатиш билан бирга, кўз касалликлари профилактикаси, диагностикаси ва даволашнинг замонавий илғор усуллари қўлланилади.