Бугун,

  • USD 11095.31
  • RUB 173.84
  • EUR 10772.44

Фарғонада ҳаж ва умра зиёратига жўнатишни ваъда қилиб, 10 нафар фуқарони салкам 300 миллион сўмга чув туширган сайёҳлик фирмаси раҳбарининг кирдикорлари фош этилди. Бу ҳақда ЎзА хабар берди.

Фото: «Халқ сўзи»

Фото: «Халқ сўзи»

Бағдод туманидаги «UMID SAYYOX» масъулияти чекланган жамияти шаклидаги сайёҳлик фирмасининг раҳбари Ҳ.Нишонов шундай ишга қўл урди.

У 2015 йилда мазкур сайёҳлик фирмасини ташкил этган бўлиб, талабгорларни мамлакатнинг тарихий жойларига саёҳатини ташкил қилиш ишлари билан шуғулланиб келарди. Аста-секин бу борада тажрибаси ортиб, юртдошларни ҳаж ва умра зиёратига юбориш ҳаракатини ҳам бошлаб юборди. Аммо бу борада Ҳ.Нишоновнинг нияти умуман бошқа эди.

У ҳаж ва умра зиёратига бориш истагидаги фуқароларни жалб қилиш мақсадида туман марказидаги аҳоли гавжум жойларда ўзининг реклама ва эълонларини ўрнатди. Саудия Арабистонига ҳаж ва умра зиёратига бориш истагида бўлган фуқароларга «Ўзбектуризм» миллий компанияси орқали юборишини маълум қилди. Қарабсизки, орадан кўп ўтмай офисининг эшигини тақиллатиб келувчилар пайдо бўлди.

Ҳажга боришни ният қилиб юрган фуқаро М.Усмонов ҳам фирибгарнинг тузоғига тушди. Ҳ.Нишонов уни сайёҳлик фирмаси орқали умра зиёратига юборишига ишонтириб, дастлаб 14 миллион сўм, кейин 21 миллион сўм пулини қўлга киритди. Зиёрат тадоригини бошлаб юборган М.Усмонов фирибгарнинг қўлига тушганини ўйлаб ҳам кўрмаганди.

Ҳ.Нишонов қараса, муқаддас зиёратга борувчилар анчагина, тайёргина мўмай даромад. Унинг фуқароларни Саудия Арабистонига зиёратга юбораётганидан А.Қодиров ҳам хабар топади. Ҳ.Нишонов олдига келиб, турмуш ўртоғи билан умрага бориш ниятида эканлигини айтганда, уларни ҳам авраб, ваъдани қуюқ қилди. Чол-кампирни зиёратга юбориш учун тўлов сифатида 28 миллион сўмни қўлга киритиб, яна эски найрангини қўллади. Яъни умра масаласи ҳал бўлмаганини айтиб, пойтахт орқали ҳажга юборишни ваъда қилди ва уларни яна 42 миллион, жами бўлиб 70 миллион сўмга чув туширди.

Умуман олганда, Ҳ.Нишонов ҳаж ва умра зиёратига юбораман деб, 10 нафар фуқаронинг қарийб 300 миллион сўм маблағини ўзлаштириб, шахсий эҳтиёжлари учун ишлатиб юборган.

Шунингдек, Ҳ.Нишонов ижарага Isuzu русумли автобус ҳайдаб юрган фуқарони ҳам алдади. Гап шундаки, у ҳайдовчи Р.Қодировнинг ишончига кириб, агар ўзининг сайёҳлик фирмаси орқали фуқароларни Самарқанд, Бухоро ва Хива шаҳарларига олиб бориб келса, ҳар бир сайёҳ учун маълум ҳақ беришини айтди. Ўтган йилнинг июнь август ойларида Р.Қодиров 3 маротаба сайёҳларни саёҳатга олиб бориб келди. Ҳисоб-китоб вақти келганда эса тутқич бермай, ҳайдовчини 4 миллион 300 минг сўмга туширди.

Жиноят ишлари бўйича Бағдод туман судида Ҳ.Нишоновнинг жиноят иши кўриб чиқилиб, унга 8 йил муддатга озодликдан маҳрум қилиш жазоси тайинланди. Шу билан бирга, унга жабрланувчиларга етказилган зарарни тўлаш мажбурияти ҳам юклатилди.

Изоҳ
Асосий янгиликлар
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж
Маданият
Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
Маҳаллий
«Сирдарёда бир сўм ҳам ўғирланмайдиган, коррупциясиз тизим яратилиши керак» — Сардор Умурзоқов