ПСЖ «Аякс» ҳимоячиси Маттейс де Лигтга жиддий қизиқиш билдирмоқда. Бу ҳақда De Telegraf хабар берди.
19 ёшли футболчига «Барселона» ҳам қизиқаётганди, бироқ каталонияликлар футболчининг трансфер нархи борасида ҳали келишувга эриша олганича йўқ.
Маълум бўлишича, Каталония клуби раҳбарияти де Лигт учун таклиф қилган нарх миқдорини оширмоқчи эмас.
ПСЖ «Барселона»дан фарқли ўлароқ ўйинчи учун 85 миллион евро тўлашга тайёр. Агент Мино Раёла талаб қилаётган катта миқдордаги товон пули ҳам муаммо эмас.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)