Airbnb хизмати — қисқа вақтга сайёҳларга турар жойни ижарага берадиган машҳур хизмат турларидан бири. Бироқ, айрим сайёҳларнинг тажрибаси шуни кўрсатадики, жуда мураккаб хавфсизлик тизими ҳатто мижозларнинг хизматларини ёқимсиз саргузаштлардан ҳимоя қила олмайди, дея ёзади TravelAsk.
Вақти-вақти билан жуда кулгили вазиятлар юзага келади, аммо ҳар бир сайёҳ ҳам бундай пайтларда ижобий жавоб топа олмайди.
Нима бўлганда ҳам сиз ҳар доим уй-жой профилини синчковлик билан ўрганиб чиқишингиз, сиздан олдин келган меҳмонларнинг фикрларини ўқиб кўришингиз ва огоҳлантиришга таянишингиз керак. Ахир тақдир сизни қандай қилиб транспорт контейнерига олиб келиши мумкинлигини ҳеч қачон билолмайсиз-ку.
Бен Спеллер исмли йигит кўплаб сайёҳлар қалбидан жой олган Амстердамга ташриф буюришни хоҳлади. Пойтахтдан турар жой танлаётганида Airbnb дастуридан фойдаланди. Ҳаммаси яхши кетаётган эди. Тез орада ҳам ҳамёнбоп, ҳам унинг талабларига жавоб эрадиган танлов чиқди. Спеллер узоқ ўйлаб ўтирмай «тўлиқ санузелга эга бўлган шинам уй»ни бронь қилди. Бу учун эса у атиги 125 доллар тўлади.
Ваниҳоят Нидерлания бориб, ушбу манзилни топгач, у бутунлай бошқача аҳволга тушди. Уй у кутганидек эмас эди.
Кейинчалик интервьюда унинг айтишича, у ўзи бронь қилган уйни излаб мана шу контейнер олдидан таксида бир неча бор айланган. У кўзларига ишонмади ва бўлаётган воқеаларни тушунишга уринди. Контейнер эшигини очди-да, ичкарига қаради, сўнг меҳмонхонага кетди.
Бенга тегишли бўлиши керак бўлган контейнерни эса бир неча кундан кейин кўчадан олиб ташлашди.
Изоҳ (0)