«Андижон» клуби бош мураббийи Илдар Сакаев Суперлиганинг 8-тур ўйинларидан сўнг истеъфога чиққани айтилди, «Championat.asia» хабарида.
Нашр хабарида Сакаев клуб тизимида қолиши ва спорт директори лавозимини эгаллаши ҳақида айтилди. Бош мураббий лавозимига эса Жамшид Саидов тайинланиши маълум қилинди.
Аммо орадан бироз ўтиб, клуб матбуот хизмати бу хабарни рад этиб чиқди. «Клубда ҳеч қандай ўзгариш бўлгани йўқ. Сакаев бошчилигида жамоа футболчилари «Пахтакор» билан ўйинга тайёргарлик кўрмоқда»,— дейилади «Андижон» клуби баёнотида.
Эслатиб ўтамиз, «Андижон» 9-турда «Пахтакор»га қарши майдонга тушади. Маълумот учун, «бургутлар» 8-турга қадар битта ғалаба, 3 та дуранг ва 4 та мағлубият қайд этди. 7 очко тўплаган жамоа 14 та клуб орасида 12-поғонада бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)