Қозоғистоннинг Жамбил вилояти Қордай туманидаги «Тошкент—Олма-ота» трассасининг 181-километрида 20 апрель шанба куни маҳаллий вақт билан тонгги соат 05:09 да 49 нафар йўловчини олиб кетаётган Van Hool русумли автобус иштирокида йўл-транспорт ҳодисаси рўй бергани ҳақида аввал хабар берилган эди.
Йўл-транспорт ҳодисаси натижасида 11 киши ҳалок бўлган. Уларнинг уч нафари Ўзбекистон фуқароларидир:
- Абдухолиқов Ўринбой Мирҳамид ўғли — 1993 йил 11 ноябрда Тошкент вилояти Оҳангарон туманида туғилган;
- Ёрмекбоева Дилором Абдухолиқовна — 1972 йил 22 декабрда Тошкент вилояти Қуйичирчиқ туманида туғилган;
- Калмуратов Алишер Сафарбаевич — 1988 йил 3 декабрь куни Қорақалпоғистонда туғилган.
Барча жабрланганлар Қордай туман касалхонасига етказилган. Ўзбекистоннинг Қозоғистондаги элчихонаси ходимлари зудлик воқеа жойига билан етиб келган. Ўзбекистон ва Қозоғистон фавқулодда вазиятлар ва соғлиқни сақлаш вазирликлари томонидан ҳамкорликда барча зарур ҳаракатлар амалга оширилмоқда.
«Ўзбекистон Президенти Шавкат Мирзиёев топшириғига кўра фавқулодда вазиятлар, ташқи ишлар, ички ишлар, соғлиқни сақлаш вазирликлари ва бошқа идоралар вакилларидан иборат ҳукумат комиссияси тузилди. Комиссия аъзолари жабрланганларга ёрдам кўрсатилишини ташкил қилиш ва ЙТҲ сабабларини ўрганиш мақсадида воқеа жойига етиб келди. Ҳукумат комиссиясига Қозоғистон томони билан келишилган ҳолда ҳалок бўлганлар ва жабрланганларни Ватанга олиб келиш, уларнинг оилаларига зарур ёрдам кўрсатишни ташкил этиш вазифаси топширилди», — дейилади Фавқулодда вазиятлар вазирлиги матбуот хизмати ахборотида.
Изоҳ (0)