Канадада фуқаро черковда отишма уюштирди

Канаданинг Сэлмон-Арм шаҳридаги черковда отишма содир бўлди, дея хабар беради «ТАСС».

Ҳодиса черковда диний маросим вақтида содир бўлган. 25 ёшар эркак хонага кириб, бир неча марта икки кишига қарата ўқ узган. Улардан бири ҳалок бўлган, иккинчиси касалхонага ётқизилган. Полиция эркакни қўлга олган. Унинг исми ошкор қилинмаяпти.

Дастлабки маълумотларга кўра, полиция содир бўлган ҳодисада диний сабаблар кўрмаяпти.

Сэлмон-Арм (Британия Колумбияси) энг йирик шаҳри Ванкувердан тахминан 460 километр шимоли-шарқда жойлашган.