Тошкент вилоятида акушер-гинеколог онага чақалоғи ўлганини айтиб, уни 100 долларга пуллади
Тошкент вилоятида акушер-гинеколог янги туғилган чақалоқни сотиш мақсадида, онага фарзандининг гўёки ўлганини маълум қилди. Бу ҳақда Бош прокуратура хабарида айтилади.
Департаментнинг Тошкент вилояти Янгийўл шаҳар бўлими ва ИИБ ходимлари билан ҳамкорликда ўтказилган текширишда, Янгийўл тумани тиббиёт бирлашмасига қарашли туғуруқ бўлими акушер-гинекологи Р.Х., фуқаро З.Э.нинг 01.04.2019 йилда туғилган қиз фарзандини гўёки ўлди деб хабар бериб, бу ҳақда ҳеч қандай маълумот қайд этмасдан, 100 АҚШ доллари эвазига чақалоқни фуқаро С.М. дунёга келтирган деб, унинг номига туғуруқ ҳақида сохта ҳужжатлар расмийлаштириш орқали сотиб юборганлиги аниқланган.
Мазкур ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
