Дунёнинг энг яхши таом тайёрлайдиган шаҳарлари (фото)

National Geographic нашри дунёдаги энг мазали таом тайёрлайдиган шаҳарларни аниқлади.

1. Лондон

Лондон кўпригининг жанубида жойлашган Borough Market’да Британия таомларидан баҳраманд бўлиш мумкин. У ерда денгиз маҳсулотларидан тортиб, пишлоқ ва кўк тасмага ўралган нон маҳсулотлари сотилади. Regency Café’да инглиз нонуштаси ҳамда Golden Hind’да балиқ ва қовурилган картошка жуда яхши тайёрланади.

2. Токио

Хотира йўлкаси (Omoide Yokocho) бўйлаб саёҳат қилинса, грилда пиширилган товуқ бўлаклари қўшилган якитори шашликлари сотилади. Kichijoji маҳалласида эса машҳур Harmonica Yokocho барлари бор.

3. Сеул

Gwangjang Market миллий корейс таомларини сотувчи 5 000 савдо растасига эга. Уларнинг ичида энг машҳури қонли колбаса ҳисобланади. Корейс барбекюсини татиб кўриш учун  маҳаллий WooSung Galbi кафесига ёки юқори сифатли Yeontabal BBQ ресторанига бориш тавсия қилинади.

4. Париж

Париж дунёнинг барча шаҳарларидан ўзининг турли хилдаги пишлоқлари билан ажралиб туради.

5. Нью-Йорк

Манхеттаннинг кюрриси ва Бруклиннинг гўштли пироги книш турли таъб эгаларига хуш келади.

6. Рим

Testaccio Market савдо расталаридан бутун Италияни акс эттирувчи балиқлар, ферма маҳсулотлари ва тайёр овқатлар топпиш мумкин. Архитипик Рим таомларини истаганлар эса Checchino dal 1887’s tonnarelli’да буқа думидан қилинган соусли лағмонни синаб кўриши мумкин.

7. Бангкок

Tom sap (чўчқа гўштли ширин ва нордон шўрва) ҳамда  som tam (зираворлар қўшилган папая салати) энг яхши кўча таомлари ҳисобланади.

8. Сан Пауло

Бразилияда жуда кўп японлар яшагани сабаб, чумоли ва жамбу ўтидан тайёрланган ажойиб таом энг хуштаъм ҳисобланади.

9. Барселона

Santa Caterina Market ўзининг пишлоқлари ва зайтун мойи билан машҳур. Каталония таомларини синаб кўрмоқчи бўлганларга la bomba (картошка пюресининг қийма билан қовурилган шарчалари) ҳамда бир бокал енгил вермут тавсия қилинади.

10. Дубай

Дубай ўзининг денгиз маҳсулотлари ва бошқа араб таомлари билан машҳур.

11. Истанбул

Балиқли сендвич, қўй гўштидан тайёрланган қайноқ урфа ва ширин доначалар татиб кўришга арзийди.

12. Сингапур

Бу ерда хитой, ҳинд ва малай таомларини топиш мумкин. Бундан ташқари лакса шўрваси ва чўчқа қовурғалари ҳам ўзига хос таом ҳисобланади.

13. Мадрид

Кичик газак ва коктейллар кишига катта завқ беради.

14. Шанхай

Хитойликларнинг энг севимли таомларидан бири xiao long bao (буғда пиширилган пишириқлар) ҳисобланади.

15. Осака

Қирғичдан ўтказилган сабзавотлардан қилинган панкейк, саккизоёқ солиб қовурилган хамир ажойиб таом ҳисобланади. Бундан ташқари Япониянинг маҳаллий сакелари ҳам ўзига хосдир.

16. Гонконг

Соя солинган лағмон ўзига хос таом ҳисобланади.

17. Берлин

Вена шницели, буғдойдан қилинган пиво, мевали пиво, doner kebab Германияни бошқа мамлакатлардан ажратиб туради.

18. Пекин

Пекин ўрдаги доим эътибор марказида бўлади.

19. Рио де Жанейро

Бразилия ошпазлари оддий таомларни авангард услубида тайёрлайди.

20. Нью-Дели

Ҳиндларнинг қалин ва тўйимли нони паратҳа неча йиллардан бери севимли таомлардан бири ҳисобланади.