La Scаla опера театри директорлар кенгаши Саудия Арабистони маданият вазири томонидан амалга оширилган 3 миллион евро миқдоридаги тўловни қайтаришга қарор қилди, дея хабар беради «РБК».
Театр маблағ тўғри йўналтирилганлиги, директорлар кенгаши эса қироллик билан музокаралар ҳақида хабардор қилинмаганлигини айтган.
Аммо Милан шаҳри мери Жузеппе Сала қироллик билан янги музокаралар эҳтимолини истисно қилмади. Шунингдек, бу театр труппасини 2020 йил Саудия Арабистонига гастрол сафарга жўнатиш режаларига ҳам таъсир қилмайди.
Ар-Риёд билан келишув доирасида Саудия Арабистонида мусиқа мактабини очиш режалаштирилган эди. Унда қиролликдаги жинсидан қатъий назар барча болалар ўқиши мумкин. Ўз навбатида, Риёд театр директорлар кенгашига вакил тайинлаш ҳуқуқини қўлга киритиш ҳуқуқига эга бўлар эди. Умуман олганда, қироллик беш йил давомида Ла Сcалаъга 15 миллион евро сармоя киргизишни мақсад қилган эди.
La Scаla раҳбари Александр Перейра аввалроқ Сала ва Италия маданият вазири Альберто Бонисоли Саудия Арабистони билан тузилган шартномадан хабардорлигини айтган эди.
Риёд билан келишув инсон ҳуқуқлари ҳимоячилари томонидан танқид қилинди. Бунинг сабаби 2018 йилнинг октябрь ойида Анқарадаги Саудия элчихонасида журналист Жамол Қошиқчининг ўлдирилиши бўлди. Қошиқчи ғарб матбуоти нашрларидаги мақолаларида қироллик ҳокимиятини танқид қилган, оммавий ахборот воситалари унинг қотиллигини шаҳзода Муҳаммад бин Салмон билан боғлаган. Саудия Арабистони консуллигида журналистни ўлдирилганлиги тан олинган ва қотиллар қўлга олинганлиги эълон қилинган. Шаҳзоданинг мазкур қотилликдаги иштироки инкор этилмоқда.
Италиядаги Саудия элчихонасининг веб-сайтида қироллик Италия учун тўққизинчи йирик савдо шериги эканлиги қайд этилган.
Изоҳ (0)