Қозоғистонда Нурсултон Назарбоевнинг истеъфога чиқиши ҳақидаги баёнотидан сўнг валюта алмашиш шохобчаларида доллар қимматлади, айримлари эса бирданига талаб кучайгани туфайли сотувни ҳам тўхтатиб қўя қолди. Бу ҳақда «Интерфакс» хабар бермоқда.
«Икки соат аввал барча долларлар тугади. Назарбоев лавозимдан кетгани ҳақида хабар берилиши билан дарров тўполон бошланди, ҳамма ўзини доллар олишга урди», — дейди валюта алмашиш шохобчаларидан бирининг ходими.
19 март куни маҳаллий вақт билан соат 21.30 да шохобчаларда 1 доллар 378,5 тенгега тенг бўлган бўлса, орадан ярим соат ўтиб курс 385 тенгегача кўтарилди.