9—10 март кунлари футбол бўйича Италия чемпионатининг 27-тури доирасида навбатдаги 8 та беллашув бўлиб ўтди.
9 март куни шанба куни Женнаро Гаттузо бошлиқ «Милан» жамоаси меҳмонда «Кьево» билан баҳсга киришди.
Учрашувнинг 31-дақиқасида «россонерилар» ярим ҳимоячиси Лукас Биля ҳисобни очган бўлса, орадан 10 дақиқа ўтиб мезбон жамоа аъзоси Перпарим Хетемай ҳисобни тенглаштирди (1:1). 57-дақиқада эса Кшиштоф Пёнтек Саму Кастильехо узатмасини голга айлантирди (2:1).
Шу тариқа миланликлар сафарда Пёнтекнинг голи эвазига ғалабани илиб кетди ва муҳим 3 очкога эга бўлди.
10 март, якшанба куни Миланнинг «Интер» клуби ўз майдонида СПАЛни синовдан ўтказди.
Тўқнашувда Маттео Политано (67) ҳамда Роберто Галярдинининг (77) киритган голлари Лучано Спалетти жамоасининг ғалабасини таъминлади (2:0).
Мусобақа жадвалида 2-ўринда бораётган «Наполи» клуби «Сассуоло» майдонига сафар қилди.
Ўйиннинг 52-дақиқасида мезбон жамоа футболчиси Доменико Берардининг киритган голига неаполликлар Лоренцо Инсиньенинг голи билан жавоб қайтарди ва томонлар дурангга имзо чекди (1:1).
А Серия
27-тур баҳслари
9 март, шанба
«Парма»—«Женоа» 1:0
Гол: 1:0 — 78 Кучка«Кьево»—«Милан» 1:2
Голлар: 0:1 — 31 Биля, 1:1 — 41 Хетемай, 1:2 — 57 Пёнтек10 март, якшанба
«Болонья»—«Кальяри» 2:0
Голлар: 1:0 — 34 Пулгар, 2:0 — 77 Сориано«Фрозиноне»—«Торино» 1:2
Голлар: 1:0 — 42 Паганини, 1:1 — 56 Белотти, 1:2 — 78 Белотти«Интер»—СПАЛ 2:0
Голлар: 1:0 — 67 Политано, 2:0 — 77 Галярдини«Сампдория»—«Аталанта» 1:2
Голлар: 0:1 — 50 Сапата, 1:1 — 67, пенальти, Квалярелла, 1:2 — 77 Госенс«Сассуоло»—«Наполи» 1:1
Голлар: 1:0 — 52 Берарди, 1:1 — 86 Инсинье«Фиорентина»—«Лацио» 1:1
Голлар: 0:1 — 23 Иммобиле, 1:1 — 61 МуриэльЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)