Тошкентда адабиётшунос олим, филология фанлари номзоди Омонулла Мадаев 2 март куни 76 ёшида вафот этди.
Омонулла Мадаев 1942 йилда Тошкентда туғилган, 1964 йил ТошДУ филология факультетини тамомлаганди. 1966 йилдан шу университет ўзбек мумтоз адабиёти кафедрасида ишлаган, 1982 йилдан кафедра доценти лавозимида фаолият олиб борган.
Маълум вақт Ўзбекистон Миллий университети журналистика факультети декани сифатида ҳам фаолият юритган.
Омонулла Мадаев ўзбек халқ оғзаки ижоди, адабиётшунослик ва педагогикага оид қатор китоблар муаллифи ҳисобланади.
Яқинларига кўра, Омонулла Мадаев 3 март куни «Шайх Зайниддин ота» масжидида пешин намозидан кейин сўнгги манзилга кузатилади.