Улар мамлакатдаги оммавий ахборот воситаларидаги цензурага қарши норозилик намойишларида иштирок этган, дея хабар беради «Эхо Москви».
«Цензурага қаршимиз», «Бундай давом этиши мумкин эмас» — ана шундай шиорлар остида Жазоир пойтахтининг марказида намойиш ўтказилган. Унда юзлаб мухбирлар, давлат ва хусусий теле ва радиостанциялар ходимлари иштирок этган.
Журналистлар мамлакатда юзага келган вазиятни, хусусан, иккинчи ҳафта давом этаётган норозиликларни холисона ёритиш ман этилаётганлигидан норози.
Одамлар 80 ёшли президент Абдулазиз Бутефликнинг бешинчи муддатга номзодини қўяётганидан норози — у 20 йилдан буён ҳокимиятда ва яқинда юрак ҳуружини бошдан кечирганидан сўнг давлат раҳбари деярли омма олдига чиқмайди, ногиронлар аравачасида ҳаракатланади, қийинчилик билан гапиради. Бироқ, ҳокимият президентни танқид қилишни, режим ўзгаришига қарши чиқишни тақиқлайди.
Ушбу сиёсатга қарши норозилик билдирган 40 дан ортиқ журналист қўлга олинган, кейинчалик эса озодликка чиқарилган.
Жазоир шаҳарларида бўлиб ўтадиган қарши намойишларда ўн минглаб одамлар иштирок этиши кутилмоқда. Улар президент, ҳукумат ва миллий кенгаш истеъфосини талаб қилмоқда. Янги президент сайловлари апрелга мўлжалланган.
Изоҳ (0)