12 февраль куни туни билан ёғган ёмғир сабаб, Қарши шаҳрининг марказий кўчаларида «денгизча»лар пайдо бўлди. Бу ҳақда «Дарё» мухбири хабар бермоқда.
Шаҳар марказининг асосий кўчалардан бири Ислом Каримов кўчасида жойлашган Asia Alliance Bank ёнида пайдо бўлган кўлмак сабаб, автоуловлар қатновида тирбандлик юзага келган.
Маҳаллаларнинг ички кўчаларида аҳвол бундан ҳам ёмон.
Халқ тилида Эски бозор номи билан машҳур чорраҳа — Ислом Каримов ҳамда Насаф кўчалари кесишмасида эса автомобиллар ҳаракати учун хавфли ҳолат юзага келган. Тўғрироғи, чорраҳадаги светофор олди бутунлай сув билан қопланганлиги боис, ҳайдовчиларнинг йўл четидаги сув билан тўлган «лоток»ка тушиб кетиш хавфи юзага келган.
Эслатиб ўтамиз, бундан бир ҳафта илгари вилоятдаги маҳаллий ОАВларда ёғган ёмғир сабаб айни шу жойда Lacetti автомобилининг чуқурга тушиб кетган ҳолати акс этган суратлар ҳам тарқалганди.
Изоҳ (0)