Шимолий Корея раҳбари Ким Чен Ин АҚШ президенти Дональд Трамп билан иккинчи марта учрашиш мақсадида Вьетнамнинг исталган шаҳарларидан бирига самолётда ёки поездда келиши мумкин. Бу ҳақда «ТАСС» хабар берди.
Транспорт жиҳатдан қулай бўлганлиги учун Вьетнам АҚШ ва Шимолий Корея раҳбарлари иккинчи учрашуви жойи сифатида танланган. У Кореянинг шимолига давлат раҳбарларининг биринчи учрашуви бўлиб ўтган Сингапурдан анча яқинроқ.
Хабарда қайд этилишича, Ким Чен Ин Сингапурга Пекин томонидан тақдим этилган лайнерда боришга тўғри келган. Энди поезд орқали бориш мумкин бўлган яна ҳам хавфсизроқ йўл бор. Чунки Вьетнамгача поезд ёрдамида дўстона Хитой ҳудуди орқали бориш мумкин.
Ҳозирги пайтда учрашув жойи сифатида Вьетнам пойтахти Ханой, жанубий Хошимин ва мамлакат марказидан жойлашган Дананг порт шаҳри танланмоқда. Дананг шаҳри улар орасида энг маъқули сифатида қаралмоқда. Чунки айнан шу ерда курорт зоналар бўлиб, уларни ҳимоя қилиш ва хавфсизликни сақлаш нисбатан осон. 2017 йилда у ерда президент Трамп иштирокида Осиё-Тинч океани иқтисодий ҳамкорлик ташкилоти саммити бўлиб ўтган. Ўша пайтдаёқ Дананг ҳудуди Америка хавфсизлик хизмати томонидан яхшилаб ўрганиб чиқилган.
Изоҳ (0)