Дмитрий Песковнинг рафиқасида Швейцария банкида ҳисоб рақами борлиги аниқланди

Россиялик спортчи Татьяна Навка, президент матбуот котиби Дмитрий Песков билан турмуш қургач, Banque Internationale à Luxembourg Швейцария филиалида ҳисобини сақлаб қолган бўлиши мумкин, дея хабар беради «ForumDaily».

Чет элда ҳисоб рақам юритиш эса Россия қонунларига зид.

«Досье» марказида ҳисоб очилганлиги тўғрисида ҳужжатлар бор. Маълум бўлишича, ҳисоб 2014 йилнинг 20 февраль куни Навка ва Песковнинг тўйигача очилган. Номаълум манбалар журналистларга чет элда ҳисоб рақам очилгани ҳақида билдирги юборган. Билдирги Россия солиқ идорасига тақдим этилганлиги номаълум.

Навканинг Швейцариядаги ҳисоби ҳали ҳам очиқлигини текшириш учун «Досье» унга беш евро жўнатган. Банкда журналистларга тўлов омадли ўтгани тасдиқланган.

Қонун эса Навкага, давлат хизматчисининг рафиқаси сифатида чет элда ҳисоб рақам бўлишини тақиқлайди. Навка эса чет элда ҳисоб рақами борлигини инкор этмоқда. Дмитрий Песков эса турмуш ўртоғининг ҳисоб рақами АҚШда яшаган вақтида очилганлигини, аммо ҳозирда улар ёпиқлигини айтиб ўтган.

Мазкур маълумот пайдо бўлганидан бир неча соат ўтгач, РФ Президенти Владимир Путин Бош прокуратура томонидан россиялик амалдорларнинг чет элда хорижий банкларда ҳисоблари ва жамғармалари бор-йўқлигини текширишга имкон берувчи қонунни имзолаганлиги маълум бўлди.